آواز دی وائس : نئی دہلی

یوکرین کی جنگ اب ہندوستان کے سپریم کورٹ میں پہنچ گئی ہے۔دراصل یوکرین پر روس کے حملے کے بعد ہزاروں ہندوستانی یوکرین میں پھنسے ہوئے ہیں۔ جن کی واپسی ابھی ایک بڑا امتحان بنی ہوئی ہے۔  ہندوستانی شہریوں اور طلباء کو مدد فراہم کرنے کے لئے مرکزی حکومت کو ہدایت دینے کے لئے سپریم کورٹ کے سامنے ایک مفاد عامہ کی عرضی یعنی پی آئی ایل دائر کی گئی ہے۔

- ایڈوکیٹ وشال تیواری کی درخواست میں درخواست کی گئی ہے کہ سپریم کورٹ مرکزی حکومت کو ہدایات جاری کرے کہ وہ اس بات کو یقینی بنائے کہ پھنسے ہوئے ہندوستانی شہریوں کو خوراک، طبی سہولیات اور رہائش جیسی ضروری اور ہنگامی اشیاء ملیں۔

- درخواست میں کہا گیا ہے کہ "یوکرین کی فضائی حدود کو بند کر دیا گیا ہے اور ایئر انڈیا کی ایک پرواز کو یوکرین واپس بھیج دیا گیا ہے، وہ کسی بھی ہندوستانی شہری کو نکالے بغیر واپس آ گیا ہے۔ اس سے پھنسے ہوئے ہندوستانی طلباء اور خاندانوں کی حالت مزید خراب ہو گئی ہے"

 اس میں کہا گیا ہے کہ ہندوستانی افراد/طلبہ کو اپنی جان و مال کے لیے خطرات کا سامنا ہے۔

 درخواست گزار نے کہا کہ ان میں سے بہت سے طلباء کو خوراک اور دیگر ضروری اشیاء کی کمی کا سامنا ہے۔

 درخواست میں یہ بھی الزام لگایا گیا ہے کہ حکومت ہند ہندوستانیوں کو یوکرین سے واپس آنے کی ہدایت دینے کے اقدامات کرنے میں ناکام رہی ہے۔جب 10 دن پہلے جنگ کی صورتحال پیدا ہوئی تھی اور حکومت ہند اچھی طرح جانتی تھی کہ جنگ جیسی صورتحال پیدا ہوگی۔

 دلچسپ بات یہ ہے کہ درخواست میں یہ زور دیا گیا ہے کہ یوکرین کی یونیورسٹیوں میں آن لائن موڈ کے ذریعہ تعلیم حاصل کرنے والے ہندوستانی طلباء کی ایم بی بی ایس ڈگری کو ہندوستان میں تسلیم کیا جانا چاہئے۔