آواز دی وائس،سری نگر
شہری ہوا بازی کی وزارت نے سری نگر-شارجہ کی براہ راست پروازوں کو ہفتے میں 5 پروازوں کی حد تک دوبارہ شروع کرنے کی منظوری دے دی ہے۔
یہ جانکاری جموں و کشمیر کے لیفٹیننٹ گورنر منوج سنہا نے دی۔ منوج سنہا نے اپنے ٹویٹر پیج پر لکھا، "شہری ہوا بازی کی وزارت نے سری نگر-شارجہ پروازوں کو ہفتے میں 5 پروازوں کی حد تک مستقل بنیادوں پر منظوری دی ہے۔ میں اس کے لیے وزیراعظم نریندر مودی کا تہہ دل سے شکریہ ادا کرتا ہوں۔
UT administration, Ministry of Civil Aviation under Shri Jyotiraditya Scindia, Union Minister for Civil Aviation taking necessary steps on priority to strengthen air connectivity to cater to growing tourism & industry sectors.
— Manoj Sinha (@manojsinha_) April 29, 2022
ایل جی منوج سنہا نے اپنے ٹوئٹراکاونٹ پر لکھا کہ یو ٹی انتظامیہ، شہری ہوا بازی کی وزارت، حکومت ہند اور مرکزی وزیر جیوتی رادتیہ سندھیا بڑھتے ہوئے سیاحت اور صنعت کے شعبوں کو پورا کرنے کے لیے ہوائی رابطے کو مضبوط بنانے کے لیے ترجیحی بنیادوں پر ضروری اقدامات کر رہے ہیں۔
وادی کشمیر اور متحدہ عرب امارات کے درمیان براہِ راست فضائی رابطہ 11 سال بعد 23 اکتوبر 2021 کو دوبارہ شروع ہوا، جب مرکزی وزیر داخلہ امت شاہ نے سری نگر بین الاقوامی ہوائی اڈے سے شارجہ کے لیے براہ راست پرواز کا افتتاح کیا تھا۔
'گو فرسٹ' ایئر لائنز نے 27 مارچ 2022 سے سری نگر-شارجہ پرواز کا آپریشن بند کر دیا تھا، یہ بتاتے ہوئے کہ ان کے پاس ضروری دو طرفہ حقوق نہیں ہیں۔ ایئر لائنز کو دو طرفہ حقوق حاصل کرنے کی ضرورت ہے، جو دو ممالک کے درمیان طے شدہ بین الاقوامی مسافر پروازوں کو چلانے کے لیے فضائی خدمات کے معاہدے کے تحت دیے گئے ہیں۔
کشمیر اور متحدہ عرب امارات کے درمیان براہِ راست پروازوں سے خلیجی منڈیوں میں زراعت، باغبانی کی مصنوعات اور جموں و کشمیر کی دستکاری برآمد کرنے میں مدد ملے گی۔
