آواز دی وائس،نئی دہلی

پنجابی گلوکار سدھو موسی والا کے قتل کے بعد ان کی سیکیورٹی ہٹانے کا معاملہ اٹھ رہا ہے۔ ادھر پنجاب حکومت نے ایک بار پھر 434 وی وی آئی پیز کو سیکیورٹی دینے کا فیصلہ کیا ہے۔

حکومت نے موسی والا کے قتل سے ایک روز قبل 424 افراد کی سیکیورٹی واپس لے لی تھی۔ اب حکومت نے 7 جون سے 434 وی وی آئی پی افراد کی سیکورٹی میں دوبارہ اضافہ کرنے کا فیصلہ کیا ہے۔

پنجاب حکومت نے یہ جانکاری جمعرات کو جسٹس راج موہن سنگھ کی بنچ کو دی ہے۔

اس کے ساتھ ہی ریاستی حکومت نے بھی اپنی رپورٹ سیل بند لفافے میں پیش کی۔ اس معاملے میں تفصیلی حکم نامہ جاری ہونا باقی ہے۔

سابق وزیر او پی سونی کی عرضی پر سماعت کے دوران عام آدمی پارٹی نے پنجاب اور ہریانہ ہائی کورٹ کو یہ جانکاری دی ہے۔ سدھو موسی والا کو ان کی سیکورٹی ہٹائے جانے کے بعد قتل کرنے پر ریاستی حکومت کو تنقید کا نشانہ بنایا جا رہا ہے۔

سیکیورٹی کور میں کمی کے سوال پر، پنجاب حکومت نے ہائی کورٹ کو بتایا کہ اس نے 6 جون کو آپریشن بلیو اسٹار کی برسی کے لیے اہلکاروں کی طلب کر لی ہے۔ حکومت نے کہا کہ 7 جون سے 420 سے زائد وی وی آئی پیز کی سکیورٹی بحال کر دی جائے گی۔