آواز دی وائس،ممبئی

 شیو سینا نے منگل کو باندرہ پولیس اسٹیشن میں باوقار لیلاوتی اسپتال کے خلاف آزاد رکن پارلیمنٹ نونیت کور رانا کے ایم آر آئی اسکین میں مبینہ بے ضابطگیوں پر شکایت درج کرائی ہے۔

پارٹی کی ترجمان ڈاکٹر منیشا کیاندے اور ممبئی کی سابق میئر کشوری پیڈنیکر کے ایک وفد نے انیل کوکل اور راہول کنال کے ساتھ لیلاوتی اسپتال سے متعلق مختلف نکات اور 'خصوصی علاج' کے حوالے سے خاتون رکن پارلیمنٹ کو ایک تحریری شکایت پیش کی۔

درخواست میں سوال کیا گیا ہے کہ کس طرح اسپتال انتظامیہ نے ایم پی نونیت کو موبائل فون یا کیمرہ لینے اور ایم آر آئی اسکین روم کے اندر تصویریں کلک کرنے کی اجازت دی، جس سے مریض (نوینیت) اور خود اسپتال کے لیے خطرہ ہے۔

اسپتال کے شائع شدہ قواعد کی طرف اشارہ کرتے ہوئے کہ احاطے کے اندر فوٹو گرافی کی اجازت نہیں ہے، انہوں نے وسیع طبی سہولت میں مبینہ طور پر سیکورٹی کی خرابی پر سوال اٹھایا۔

ڈاکٹر کیاندے نے میڈیا والوں سے کہاکہ ایم آر آئی روم کے پیچھے ایک آکسیجن پلانٹ ہے، اگر کوئی حادثہ ہوتا تو لیلاوتی اسپتال کی سیکورٹی خطرے میں پڑ جاتی۔ کون ذمہ داری لے گا۔

وفد نے یہ جاننے کا بھی مطالبہ کیا ہے کہ ایم پی نونیت کے ذاتی محافظوں کو کس طرح اسپتال کے احاطے میں ہتھیاروں کے ساتھ گھومتے ہوئے دیکھا گیا اور سی سی ٹی وی فوٹیج کی بنیاد پر جانچ کا مطالبہ کیا۔

پیڈنیکر نے مطالبہ کیا ہے کہ اسپتال کے اصولوں کے مطابق، کسی کو بھی کسی بھی قسم کے ہتھیاروں کے ساتھ احاطے میں داخل ہونے کی اجازت نہیں ہے، تو باڈی گارڈ بندوق لے کر اسپتال اور ایم آر آئی روم میں کیسے گھوم رہا تھا؟"

شیوسینا کی ٹیم نے پولیس پر زور دیا کہ وہ گزشتہ ہفتے ایم پی کے دورہ کے دوران پیش آنے والی تمام لاپرواہی میں ہسپتال انتظامیہ کے کردار کی تحقیقات کرے۔ یہ پیش رفت برہان ممبئی میونسپل کارپوریشن (بی ایم سی) کے ایچ ویسٹ وارڈ کی جانب سے لیلاوتی اسپتال کو وجہ بتاؤ نوٹس جاری کرنے کے ایک دن بعد ہوئی ہے، جس میں 48 گھنٹوں میں تفصیلی وضاحت طلب کی گئی ہے۔

ہفتے کے آخر میں، وفد نے ہسپتال کا دورہ کیا تھا اور ایم آر آئی روم میں ایم پی کی تصاویر پیر کو وائرل ہونے کے بعد انتظامیہ کے ساتھ تفصیلی بات چیت کی تھی۔

وفد نےاسپتال کو ایک میمورنڈم پیش کیا جس میں ان کی طرف سے اٹھائے گئے نکات پر تحریری بیان طلب کیا گیا جو ایم پی کی جان کو خطرے میں ڈال سکتے ہیں۔

تاہم، شیو سینا کی طرف سے اٹھائے گئے سوالات پر اسپتال حکام کی طرف سے ابھی تک کوئی جواب نہیں آیا ہے۔