نئی دہلی
محمد تاج نے صدر جمہوریہ ہند رام ناتھ کووند سے شبنم علی کو معاف کرنے کی درخواست کی ہے۔
محمد تاج پچھلے کچھ دنوں سے سرخیوں میں رہنے والی مجرمہ شبنم علی کے فرزند ہیں- شبنم وہی ہیں جنہیں اپنے ہی کنبے کے سات افراد کو قتل کرنے کی پاداش میں سزائے موت کا سامنا ہے- محمد تاج نے صدر جمہوریہ ہند رام ناتھ کووند سے اپنی والدہ کو معاف کرنے کی درخواست کی ہے۔
سوشل میڈیا پر وائرل ہو رہی ایک ویڈیو میں تاج پلےکارڈ لئے کھڑے ہیں جس پر لکھا ہے کہ صدرانکل! براہ کرم میری والدہ شبنم کو معاف کردیں۔ یہ ویڈیو سوشل میڈیا پر وائرل ہو چکی ہے جبکہ دوسری طرف شبنم کو پھانسی دینے کی تیاریاں شروع ہوگئی ہیں۔
