نئی دہلی :وزیردفاع جناب راج ناتھ سنگھ نے سمندری طوفان ‘تاوتے ’ کی زد میں آنے والے علاقوں میں جاری تلاش اور بچاؤ کی کاررائیوں کے سلسلے میں مسلح افواج اور انڈین کوسٹ گارڈ کی کوششوں کو سراہاہے ۔ انھوں نے ہندوستانی بحریہ اور انڈین کوسٹ گارڈ کی سمندرمیں پھنسے ہوئے لوگوں کو بچانے کے لئے ستائش کی۔ اس کے علاوہ انھوں نے متاثرہ علاقوں میں اپنی ٹکڑیاں تعینات کرنے کے لئے انڈین آرمی کی ، جب کہ نیشنل ڈیزاسٹررسپانس فورس (ڈی این آرایف ) کے عملے کے افراد کو لانے لے جانے کے لئے ہندوستانی فضائیہ کی بھی تعریف کی ۔ راج ناتھ سنگھ بحریہ کے چیف ایڈمیرل کرمویرسنگھ ، آرمی چیف جنرل ایم ایم نروانے ، فضائیہ کے چیف ایئرچیف مارشل آرکے ایس بھدوریااور انڈین کوسٹ گارڈ کے ڈائرکٹرجنرل جناب کے نٹراجن کے ساتھ مسلسل رابطے میں ہیں ، جو انھیں مستقل طورپر حالات کے متعلق بریفنگ دے رہے ہیں ۔
بحریہ اور کوسٹ گارڈ نے پچھلے چار دنوں میں 600 سے زیادہ افراد کو تاؤتے طوفان سے بچایا ۔ ممبئی کے ساحل پر ڈوبنے والے جہاز کی 49 افراد کی لاشیں ملی ، 26 افراد تاحال لاپتہ وزیر دفاع نے سمندری طوفان تاؤتے کے دوران تینوں افواج امدادی کارروائیوں کی ستائش کی نئی دہلی ، 20 مئی (ہ س)۔ بھارت کے مغربی ساحل پر سمندری طوفان تاؤتے کی لہروں میں ایک جہاز پی 305 ڈوبنے کے بعد اب تک 49 افراد کی لاشیں برآمد ہوچکی ہیں جبکہ 26 افراد لاپتہ ہیں۔ وزیر دفاع راج ناتھ سنگھ نے طوفان سے متاثرہ علاقوں میں تین افواج اور کوسٹ گارڈ کی جاریامدادی کاروائیوں کی ستائش کی ہے۔ طوفان کے بعد گذشتہ چار دنوں میں بھارتی بحریہ اور کوسٹ گارڈ نے 600 سے زائد افراد کو بچایا ہے۔ راج ناتھ سنگھ اب بھی بحریہ کے سربراہ ایڈمرل کرمبیر سنگھ ، بری فوج کے سربراہ جنرل ایم ایم نروانے اور فضائیہ کے سربراہ ایئر چیف مارشل آر کے ایس بھدوریا اور بھارتی کوسٹ گارڈ کے ڈائریکٹر جنرل کے نٹراجن سے مستقل رابطے میں ہیں۔
یہ بات یاد رہنی چاہیئے کہ 17مئی ، 2021کو ایک جائزہ میٹنگ کے دوران محترم وزیردفاع نے مسلح افواج کو شہری انتظامیہ کی ہرممکن مدد کرنے کے لئے ہدایات دی تھیں تاکہ آنے والے سمندری طوفان سے نمٹاجاسکے ۔ ہندوستانی بحریہ ( آئی این ) اورانڈین کوسٹ گارڈ نے اپنے سمندری اورفضائی فوج کے لوگوں کو تعینات کردیاہے اورگذشتہ چند دنوں کے دوران ممبئی کے ساحل سے کچھ فاصلے پر 4بڑی کشتیوں میں سے 600سے زیادہ افراد کو بچاکر نکالاہے ۔
ہندوستانی بحریہ کے سمندری اور ہوائی جہاز سردست تلاش اوربچاؤ کارروائیوں(ایس اے آر) میں مصروف ہیں تاکہ ممبئی سے تقریبا 35کلومیٹرکے فاصلے پر 17مئی ، 2021کوڈوب جانے والی اکاموڈیشن بارج پی -305کے عملے کے 38گمشدہ افراد کا پتہ لگایاجاسکے ۔اس کارروائی میں آئی این ایس کوچی ، کولکاتہ ، بیاس ، بیتوا ، تیغ ، پی 81سمندری جاسوسی ہوائی جہاز ، چیتک ، اے ایل ایچ اورسیاکنگ ہیلی کاپٹرس حصہ لے رہے ہیں ۔ آئی این ایس تلوار کابھی راحت اوربچاؤکارروائیوں میں مددفراہم کرنے کے لئے رخ موڑدیاگیاہے ۔ 20مئی ، 2021صبح 7بجے تک بارج پی 305سے مجموعی طورپر 186افراد کو بچالیاگیاہے ، جب کہ 37لاشیں بازیاب کی گئی ہیں ۔
گجرات کے سحل سے کچھ فاصلے پر آئی این ایس تلوارنے سپورٹ اسٹیشن 3اورڈرل شپ ساگربھوشن کی مدد کی ۔ جنھیں اب اواین جی سی کے امدادی جہاز کے ذریعہ ممبئی صحیح سلامت واپس لایاجارہاہے ۔ممبئی سے بحریہ کے ہیلی کاپٹروں نے ان جہازوں کے عملے کے 300سے زیادہ افراد کو کھانااورپانی بھی فراہم کیا۔ انڈین کوسٹ گارڈکے جہاز تلاش اور بچاؤ کی کارروائیوں میں بھی مصروف ہیں اور سمندرمیں پھنسی بہت سی ہندوستانی ماہی گیری کی کشتیوں کے عملے کو انھوں نے بچایاہے ۔ ان کشتیوں میں بدھریا، جیسس ،میلاڈ ، کرائسٹ بھون ، پریانایاکی اورنوواس آرک شامل ہیں جنھیں کیرالہ ، گوااورلکش دیپ کے ساحلوں سے کچھ فاصلے پربچایاگیا۔ آئی سی جی اورآئی این کے بحری جہازوں نے ایم وی کورومنڈل سپورٹر-IXکے عملے کے 9افراد کو بچانے میں مل کرکام کیا،جو نیومنگلورپورٹ سے کچھ فاصلے پر سنگل پوائنٹ مورنگ (ایس پی ایم ) میں مصروف تھا۔
دمن سے آئی سی جی ایس سمراٹ ، دوآئی سی جی ہیلی کاپٹراور آئی این ایس شکراممبئی سے انڈین نیوی سیاکنگ ہیلو نے 137لوگوں کوبچاکرنکالاجو ایم وی گال کنسٹرکٹرپرسوارتھے جو بجلی کی عدم دستیابی کی بنا پر ممبئی کے شمال میں سمندرمیں بھٹک گیاتھا۔
اس سے قبل انڈین ایئرفورس نے اپنے سی -130جیٹ اور اے این -32ایئرکرافٹ کو این ڈی آرایف کے تقریبا 400عملے کے افراد اور 60ٹن سازوسامان کو احمدآباد منتقل کرنے کے لئے تعینات کیاتھا۔ ہندوستانی آرمی جام نگرسے دوٹکڑیاں اورانجینئرٹاسک فورس لے کر دیومیں تعینات کیں ۔ دومزید ٹکڑیاں فوری کارروائی کے لئے جوناگڑھ بھیجی گئیں ۔مسلح افواج سڑکوں کو صاف کرنے اورضرورت مندلوگوں کو کھانا اورپناہ گاہ مہیاکرنے میں بھی مصروف تھیں ۔
