بارمیر: فضائیہ کا ایک مگ-21 لڑاکا طیارہ جمعرات کی شام راجستھان کے ضلع بارمیر میں گر کر تباہ ہو گیا۔ یہ واقعہ رات 9 بجے کے قریب بتایا گیا۔
حادثے میں دو پائلٹ جان کی بازی ہار گئے ہیں۔ ہوائی جہاز کا ملبہ بارمیر ضلع کے بھیمڈا گاؤں میں آدھے کلومیٹر کے فاصلے پر بکھرا ہوا پایا گیا۔ اطلاع ملتے ہی علاقے کے ضلع کلکٹر، پولیس سپرنٹنڈنٹ اور فضائیہ کے اہلکار موقع پر روانہ ہوگئے۔
بیتو علاقے میں بھیمڈا کے قریب مشق کے دوران مگ گر کر تباہ ہو گیا۔ حادثے کے بعد آگ بھڑک اٹھی اور مگ کا ملبہ تقریباً نصف کلومیٹر تک بکھر گیا۔ اسی دوران لوگوں کی بڑی تعداد اردگرد جمع ہوگئی۔
At 9:10 pm this evening, an IAF MiG 21 trainer aircraft met with an accident in the western sector during a training sortie.
— Indian Air Force (@IAF_MCC) July 28, 2022
Both pilots sustained fatal injuries.
جب یہ حادثہ ہوا تو مگ طیارہ بیتو کے علاقے میں ایک چکر لگا رہا تھا۔ ابھی تک حادثے کی صحیح وجہ معلوم نہیں ہو سکی ہے۔ آئی اے ایفنے جانوں کے نقصان پر گہرا افسوس کیا ہے اورکہا ہے کہ سوگوار خاندانوں کے ساتھ مضبوطی سے کھڑا ہے۔ حادثے کی وجہ معلوم کرنے کے لیے کورٹ آف انکوائری کا حکم دیا گیا ہے،" ہندوستانی فضائیہ نے ایک بیان میں اس کا اعلان کیا گیا-
— ANI (@ANI) July 28, 2022
