آواز دی وائس، نئی دہلی

پرانے تجربہ کار کانگریسی گاندھی خاندان کے خلاف آواز اٹھا رہے ہیں۔ کچھ رہنما جی 23 کے بینر تلے اپنی آواز بلند کر رہے ہیں، جب کہ کچھ قیادت کو مسلسل تنقید کا نشانہ بنا رہے ہیں۔

ان میں کیرالہ کے تجربہ کار رہنما پی کے کورین مظاہرین کی تازہ ترین فہرست میں شامل ہو گئے ہیں۔

انہوں نے کیرالہ کے وایناڈ سے رکن پارلیمنٹ راہول گاندھی کی قائدانہ صلاحیت پر سوال اٹھایا ہے۔ ملیالم میگزین سے بات چیت میں کورین نے کہا کہ گاندھی خاندان سے باہر کسی کو پارٹی کی باگ ڈور ملنی چاہیے۔

انہوں نے کانگریس لیڈر راہل گاندھی کی صلاحیتوں پر بھی سوال اٹھایا۔ کورین نے کہا کہ جہاز کا کپتان مشکل کی گھڑی میں اسے بے یارومددگار نہیں چھوڑتا۔ لیکن راہل نے 2019 کے انتخابات کے بعد کانگریس سربراہ کے عہدے سے استعفیٰ دے دیا۔

جب کہ پارٹی کو اس کی سب سے زیادہ ضرورت تھی۔ کورین نے کہا کہ لیکن اس کے بعد بھی راہل پارٹی کے اہم فیصلے لے رہے ہیں۔ وہ الزام لگاتے ہیں کہ راہل گاندھی کو ایسے بدمعاشوں نے گھیر رکھا ہے جن کو سیاست کا بہت کم تجربہ ہے۔ وہ یہاں تک کہتے ہیں کہ راہل گاندھی ایسے لیڈر ہیں جو مستحکم نہیں ہیں۔ انہیں مزید ذمہ داریاں نہیں دی جا سکتیں۔

راہل اپنے قریبی لیڈروں سے مشاورت کے بعد کئی فیصلے لیتے ہیں۔ پارٹی اس طرح آگے نہیں بڑھ سکتی۔ تاہم انہوں نے کہا کہ اگر گاندھی خاندان کا کوئی فرد انتخاب کا سامنا کرنے کے بعد کانگریس کا صدر بنتا ہے تو اس پر کسی کو کوئی اعتراض نہیں ہے۔