نئی دہلی
وزیر اعظم نریندر مودی نے جمعہ کے روز لیجنڈری ااسپورٹس مین ملکھا سنگھ سے بات کی اور ان کی صحت کے بارے میں معلوم کیا۔
جمعرات کے روز ملکھا سنگھ کو چندی گڑھ کے ایک اسپتال میں داخل کرایا گیا تھا۔
سرکاری ذرائع نے بتایا کہ وزیر اعظم مودی نے امید کا اظہار کیا کہ سنگھ جلد صحت کی طرف لوٹ آئیں گے اوران کھلاڑیوں کو جو ان دنوں ٹوکیو اولمپکس میں حصہ لینے جارہے ہیں، ترغیب دیں گے۔
سنگھ ، جو "فلائنگ سکھ" کے نام سے مشہور ہیں ، حال ہی میں کورونا وائرس کے انفیکشن کی زد میں آگئے تھے۔ آکسیجن کی سطح میں کمی کے باعث انہیں اسپتال کے انتہائی نگہداشت والے کمرے (آئی سی یو) میں داخل کرایا گیا ہے۔ 91 سالہ سنگھ کی حالت مستحکم ہے۔
(ایجنسی ان پٹ)