نئی دہلی

وزیر اعظم نے کووڈ-19 سے متعلق مذہبی اور سماجی تنظیموں کے نمائندوں سے بات چیت کی وزیر اعظم نے رہنماؤں کو ہدایت کی کہ وہ ویکسین کے بارے میں شعور اجاگر کرنے اور ویکسین سے ہچکچاہٹ سے نمٹنے میں حکومت کے ساتھ مل کر کام کریں. وزیر اعظم نے رہنماؤں سے کہا کہ وہ اس بات کو یقینی بنائیں کہ ہر شخص آزادی کا امرت مہوتسو کا حصہ بنے.

رہنماؤں نے کویڈ-19 کے خلاف لڑائی کی قیادت کرنے پر وزیر اعظم کا شکریہ ادا کیا۔ کویڈ-19 کی تیسری لہر کی روک تھام کے لیے دلی حمایت کی یقین دہانی کی. وزیر اعظم نے کہا کہ یہ بات چیت معاشرے اور حکومت کی ملکی مفاد کے لیے مل کر کام کرنے کی ایک اور مثال ہے۔

انھوں نے کووڈ-19 کے ذریعہ درپیش چیلنجوں کا مقابلہ کرنے کے لیے ان تنظیموں کے ذریعہ کیے گئے کام کی تعریف کی۔ انھوں نے کہا کہ لوگوں کو فراہم کی جانے والی مدد ذات پات اور مذہبی نظریات سے بالاتر تھی اور یہ ’ایک بھارت اکنشٹھ پریاس‘ کی ایک روشن مثال ہے۔

انھوں نے کہا کہ پورے ملک میں مندروں، مساجد، گرجا گھروں اور گرو دواروں کو اسپتالوں اور تنہائی مراکز میں بدل دیا گیا، جبکہ ضرورت مندوں کو کھانا کھلانے اور ادویات لینے میں بھی مدد کی گئی۔ وزیر اعظم نے ملک میں ویکسینیشن مہم کی تیز رفتار پر تبادلہ خیال کیا، انھوں نے مزید کہا کہ ”سب کو ویکسین مفت ویکسین“ مہم کورونا کے خلاف جنگ میں ڈھال کی طرح ہے۔

انھوں نے مذہبی اور معاشرتی رہنماؤں کو تاکید کی کہ وہ ویکسین کے بارے میں شعور اجاگر کریں اور ویکسینوں کے بارے میں افواہوں اور الجھنوں کا مقابلہ کرنے میں مدد کرکے حکومت کی کوششوں میں شامل ہوں۔ انھوں نے ان سے حکومت کے ساتھ تعاون کرنے کو کہا، خاص طور پر ان علاقوں میں جہاں ویکسین کے بارے میں زیادہ ہچکچاہٹ ہے۔

اس بات چیت میں شرکت کرنے والوں میں پروفیسر سلیم انجینئر، کنوینر، کیندریہ دھارمک جن مورچہ اور نائب صدر، جماعت اسلامی ہند؛ مہارشی پیٹھادھیشور گوسوامی سشیل مہاراج، نیشنل کنوینر، بھارتیہ سرو دھرم سنسد، اتر پردیش؛ سوامی اومکارانند سرسوتی، پیٹھادھیشور ، اومکار دھام، نئی دہلی؛ سنگھ صاحب گیانی رنجیت سنگھ، چیف گرنتھی، گرو دوارہ بنگلہ صاحب، نئی دہلی؛ ڈاکٹر ایم ڈی تھامس، بانی ڈائریکٹر، انسٹی ٹیوٹ آف ہارمونی اینڈ پیس اسٹڈیز، نئی دہلی؛ سوامی ویر سنگھ ہتکاری، صدر، آل انڈیا روی داسی دھرم سنگٹھن؛

سوامی سمپت کمار، گالٹا پیٹھ، جے پور؛ آچاریہ وویک منی، صدر، انٹرنیشنل مہاویر جین مشن، نئی دہلی؛ ڈاکٹر اے کے مرچنٹ، نیشنل ٹرسٹی و سکریٹری، لوٹس ٹمپل اور انڈین بہائی کمیونٹی، نئی دہلی؛ سوامی شانت آتمانند، صدر، رام کرشن مشن، نئی دہلی؛ اور سسٹر بی کے آشا، اوم شانتی ریٹریٹ سنٹر، ہریانہ شامل تھے۔