گاندھی نگر: آج وزیر اعظم نریندر مودی کی والدہ ہیرا بین مودی کا یوم پیدائش ہے۔ ہیرا بین مودی کی 100ویں سالگرہ کے موقع پر مودی ان سے ملنے گاندھی نگر میں ان کی رہائش گاہ پہنچے۔
ہیرا بین مودی کے ساتھ یہ دن مودی کے لیے بھی بہت خاص ہے۔ اس موقع پروزیراعظم نے اپنی ماں کو نیک خواہشات کا اظہار کیا۔ ملاقات کے دوران وہ والدہ کے سامنے زمین پر بیٹھے۔
مودی اپنے دو روزہ گجرات دورے پرہیں۔ جب وہ صبح سویرے اپنی ماں کی رہائش گاہ پہنچے تو انہوں نے ہاتھ ہلا کر لوگوں کا استقبال کیا اور گھر کے اندر داخل ہوگئے۔
मां, ये सिर्फ एक शब्द नहीं है, जीवन की वो भावना है, जिसमें स्नेह, धैर्य, विश्वास, कितना कुछ समाया है।
— Narendra Modi (@narendramodi) June 18, 2022
मेरी मां, हीराबा आज 18 जून को अपने सौवें वर्ष में प्रवेश कर रही हैं, उनका जन्म शताब्दी वर्ष प्रारंभ हो रहा है। मैं अपनी खुशी और सौभाग्य साझा कर रहा हूं। https://t.co/4YHk1a59RD
اس کے ساتھ ہی وزیراعظم نے اپنی ماں کی سالگرہ پر ایک ٹویٹ بھی کیا ہے، جس میں مودی نے لکھا کہ ماں، یہ صرف ایک لفظ نہیں ہے، یہ زندگی کی روح ہے، جس میں پیار، صبر، بھروسہ، بہت کچھ موجود ہے۔ میری والدہ ہیرابین آج 18 جون کو اپنے سوویں سال میں داخل ہو رہی ہیں۔
مودی اور ان کی ماں ہیرا بین مودی کی تصویریں منظر عام پر آئی ہیں۔ ان تصویروں میں ہیرا بین مودی کرسی پر بیٹھی ہوئی نظر آرہی ہیں، جب کہ مودی زمین پر بیٹھے ہوئے ہیں۔ ایک مختصر ملاقات کے بعد وزیراعظم اپنے دیگر پروگراموں کے لیے روانہ ہو گئے۔ روانگی سے قبل انہوں نے اہل خانہ سے بات چیت بھی کی۔
