آواز دی وائس، نئی دہلی
نیتی آیوگ نے پورے ملک میں اختراعات اور ہنر مندی کی ترقی کے لئے مقامی زبانوں کو فروغ دینے کا فیصلہ کرتے ہوئے لسانی اختراعی پروگرام شروع کیا ہے۔
نیتی آیوگ کے نائب صدر راجیو کمار نے بدھ کو یہاں بتایا کہ پورے ملک میں اختراع کرنے والوں اور کاروباری افراد کو بااختیار بنانے کے لئے اٹل انوویشن مشن کے تعاون سے اپنی طرح کا پہلا لسانی اختراعی پروگرام ورنا کیولر انوویشن پروگرام شروع کیا ہے۔
اس کے تحت 22 علاقائی زبانوں میں اختراع کرنے والوں اور کاروباری افراد کو تربیت دی جائے گی۔ انہوں نے بتایا کہ پروگرام کے لئے ضروری صلاحیت کی تعمیر کے لئے 22 شیڈول زبانوں میں تربیت دی جائے گی۔
In the presence of VC @RajivKumar1, CEO @amitabhk87 and @AIMtoInnovate (AIM) MD @DrChintan_V, the Vernacular Innovation Program was launched.
— NITI Aayog (@NITIAayog) December 22, 2021
The unique initiative's goal is to ensure a more equitable innovation ecosystem by providing support in 22 languages. pic.twitter.com/sK0EHq7Mek
ہر ایک ورک فورس میں مقامی زبان کا ٹیچر، موضوع ماہرین، تکنیکی مصنف اور علاقائی اٹل انکیوبیشن سنٹر کی ٹیم کو شامل کیا جائے گا۔
انہوں نے کہا کہ دسمبر 2021 سے اپریل 2022 کی مدت میں ورک فورس کو تربیت دینے کے بعد مقامی سطح پر کھول دیا جائے گا۔
انہوں نے کہا کہ مقامی کاروباریوں، کاریگروں اور اختراعی ڈیزائن ماہرین کا ایک مضبوط مقامی نیٹورک بنانے میں مدد ملے گی۔