چھتیس گڑھ میں کووڈ اُنیس کے معاملات میں اضافے کے پیش نظر راجدھانی رائے پور سمیت تقریباً 12 اضلاع میں رات کا کرفیو نافذ کر دیا گیا ہے۔

اِن اضلاع میں رات 9 بجے کے بعد دُکانیں کھلی رکھنے کی اجازت نہیں ہوگی اور بغیر کسی معقول وجہ کے اِدھر اُدھر گھومنے والوں کے خلاف سخت کارروائی ہوگی۔

البتہ ادویات کی دکانوں اور پیٹرول پمپوں کو اِن پابندیوں سے مستثنیٰ رکھا گیا ہے۔ ریاست کے وزیر صحت ٹی ایس سنگھ دیو نے ریاست کے کئی ضلعوں میں کورونا سے متاثرہ مریضوں کی تعداد میں اضافے پر تشویش ظاہر کی ہے۔ انہوں نے کہا کہ اگر صورتحال شدید خراب ہوتی ہے، تو لاک ڈاؤن نافذ کرنے پر غور کیا جا سکتا ہے۔