رانچی:جھارکھنڈ کے وزیراعلیٰ ہیمنت سورین سے آج جمعیت العلماءجھارکھنڈ ، انجمن اسلامیہ ، امارت شرعیہ اور ادارہ شرعیہ کے مشترکہ وفد نے ملاقات کی ۔
انہوں نے 10 جون کو دار الحکومت رانچی میں ہوئے تشدد اور اس سے جڑے ثبوتوں سے وزیراعلیٰ کو باخبر کرایا ۔
انہوں نے کہاکہ رانچی سمیت پوری ریاست میں امن ۔چین ،سکون اور ہم آہنگی کا ماحول برقرار رہے ، اس کے لئے وہ حکومت کے ساتھ قدم سے قدم ملاکر کھڑے ہیں ۔
یہاں تمام طبقات کے لوگ ہمیشہ سے ہی آپسی محبت اور بھائی چارہ کے ساتھ رہتے آئے ہیںاور اس میں کسی کو خلل ڈالنے نہیں دیاجائے گا۔
انہوں نے وزیراعلیٰ سے کہاکہ رانچی میں ہوئے تشدد میں جو بھی قصور وار پائے جائیں ، ان کے خلاف کاروائی ہونی چاہئے اور مارے گئے لوگوں کے اہل خانہ کے ساتھ انصاف ہونا چاہئے ۔
وفد میں جمعیت العلماءکے مفتی شہاب الدین قاسمی ، منظر خان ، محمد خالد عمر ، ڈاکٹر آصف احمد اور مولانا ایس رحمان ، انجمن اسلامیہ سے ابرار احمد ، ڈاکٹر اسلم پرویز اور ایم رحمان ، امارت شرعیہ سے مفتی انور قاسمی ، مولا نا عبید اللہ قاسمی اور ادارہ ¿ شرعیہ کے مولانا قطب الدین رضوی ، سنیئر وکیل ایم خان ، مفتی فیض اللہ مصباحی اور ایس علی شامل تھے ۔
मुख्यमंत्री श्री @HemantSorenJMM से जमीयत उलेमा झारखंड, अंजुमन इस्लामियां, इमारत-ए-शरिया और एदार-ए-शरिया के संयुक्त प्रतिनिधिमंडल ने मुलाकात कर 10 जून को रांची में हुई हिंसा में जो भी दोषी पाए जाएं, उनके खिलाफ कार्रवाई की मांग की। pic.twitter.com/LC5jkU6qkR
— Office of Chief Minister, Jharkhand (@JharkhandCMO) June 19, 2022
