نئی دہلی

ہندوستان میں جمعہ کے روز ایک مرتبہ پھر کورونا کے سبب چار ہزار سے زیادہ اموات درج کی گئیں جبکہ 2.5 لاکھ سے زیادہ نئے کیسز کی تصدیق کی گئی ہے ۔ اس دوران 3.5 لاکھ سے زیادہ مریض شفایاب بھی ہوئے ۔

مرکزی وزارت صحت کے مطابق ملک میں گزشتہ 24 گھنٹوں کے دوران کورونا کے 257299 نئے مریض رپورٹ ہوئے، جبکہ 357630 مریضوں نے شفایابی حاصل کی۔ اس دوران 4194 افراد نے دم توڑ دیا۔ اس کے ساتھ ہی ملک بھر میں کیسز کی مجموعی تعداد 26289290 تک پہنچ گئی ہے جبکہ سحاب یاب ہونے والوں کی تعداد 23070365 ہے ۔ کورونا سے ہونے والی اموات کی کل تعداد 295525 ہو چکی ہے ۔ ٹیکہ لگوا چکے افراد کی کل تعداد 193372819 ہو چکی ہے ۔