سری نگر
جنوبی کشمیر کے ضلع شوپیاں کے منیہال میں شدت پسندوں کے ساتھ مسلح تصادم میں لشکر طیبہ کے چار جنگجو ہلاک ہوئے ہیں۔ جموں و کشمیر پولیس کے مطابق اتوار اور پیر کی درمیانی شب ہونے والے اس تصادم کے بعد تلاشی مہم ابھی تک جاری ہے۔
جموں و کشمیر پولیس کے ترجمان نے بتایا کہ جنگجوؤں کی تحویل سے اسلحہ و گولہ باردو کے علاوہ کچھ قابل اعتراض مواد بھی ملے ہیں ۔ ان کا مزید کہنا تھا کہ علاقے میں تلاشی آپریشن ہنوز جاری ہے اور مہلوک جنگجوؤں کی شناخت معلوم کی جا رہی ہے۔ دریں اثنا فوج نے اپنے ایک ٹویٹ میں کہا کہ تصادم میں چار جنگجو مارے گئے اور ان کی تحویل سے اے کے 47 رائفل اور دو پستول بر آمد کئے گئے۔
In a successful operation at Imamshahib #Shopian, joint team of 178 Bn @KOSCRPF @crpfindia , @adgpi and @JmuKmrPolice neutralised 04 terrorists. Arms & ammunition recovered.@HMOIndia @crpf_j @PIBHomeAffairs @PIB_India @PIBSrinagar @DDNewslive@airnewsalerts
— Kashmir Ops Sector, CRPF (@KOSCRPF) March 22, 2021
بعض میڈیا رپورٹس کے مطابق تصادم کے دوران ایک فوجی جوان بھی زخمی ہوا ہے تاہم سرکاری سطح پر ابھی اس کی تصدیق نہیں ہوئی ہے۔ قبل ازیں سرکاری ذرائع نے بتایا کہ شوپیاں کے منیہال میں جنگجوئوں کی موجودگی سے متعلق خفیہ اطلاع ملنے پر جموں و کشمیر پولیس اور دیگر سکیورٹی فورسز نے گزشتہ رات دیر گئے مذکورہ علاقے کو محاصرے میں لے کر تلاشی آپریشن شروع کیا۔
انہوں نے بتایا کہ ایک مشتبہ جگہ کی جانب پیش قدمی کے دوران وہاں موجود جنگجوئوں نے سکیورٹی فورسز پر فائرنگ کی جس کے بعد باضابطہ طور تصادم شروع ہوا۔
As per laid procedures, #IndianArmy giving a chance to the mislead #terrorists to lay down their weapons & surrender. Later, wife & kid of 1 of the #terrorist also made a heartfelt appeal to a husband & a father.#Manihal #Shopian #Kashmir @CestMoiz @Lone_wolf110 @7ru7h_1 @Ptr6Vb pic.twitter.com/5kzL6AgFgU
— Kashmir Watch (@kashmir_watch) March 22, 2021