غازی آباد:اگر کوئی ہندو یہ کہتا ہے کہ یہاں کوئی مسلمان نہیں رہنا چاہئے تو وہ شخص ہندو نہیں ہے۔
گائے ایک مقدس جانور ہے لیکن جو لوگ دوسروں کو سرعام ہجومی تشدد میں مار رہے ہیں وہ ہندوتوا کے خلاف ہیں۔
اگر کوئی قانون کی خلاف ورزی کررہا ہے تواس کےلئے قانون ہے۔جو بغیر کسی جانبداری اپنا کام کرتا ہے ۔
کٹی بار ایسا بھی ہوا کہ لوگوں کے خلاف لنچنگ کے کچھ جھوٹے مقدمات درج کئے گئے۔
اس خوف کے چکر میں نہ پھنسیں کہ ہندوستان میں اسلام خطرے میں ہے
آرایس ایس کے سربراہ موہن بھاگوت نے آج ان خیالات کا اظہار کیا۔
انہوں نے مزید کہا کہ یہ ثابت ہوچکا ہے کہ ہم پچھلے 40،000 سال سےایک ہی آباو اجداد کی اولاد ہیں۔
ہندوستان کے لوگوں کا ایک ہی ڈی این اے ہے۔ ہندو اور مسلمان دو گروہ نہیں ہیں، اتحاد کرنے کے لئے کچھ نہیں ، وہ پہلے ہی ساتھ ہیں۔
کچھ کام ایسے ہیں جو سیاست نہیں کر سکتی ہے ۔ سیاست لوگوں کو متحد نہیں کرسکتی۔ سیاست لوگوں کو متحد کرنے کا آلہ کار نہیں بن سکتی بلکہ اتحاد کو مسخ کرنے کا ہتھیار بن سکتی ہے۔
آر ایس ایس کے سربراہ نے زور دیتے ہوئے کہا کہ ملک میں اتحاد کے بغیر ترقی ممکن نہیں ہے۔
انہوں نے کہا کہ ہندو مسلم تنازعہ کا واحد حل بات چیت ہے ، اختلاف نہیں۔
۔ہم جمہوریت میں ہیں۔ یہاں ہندوؤں یا مسلمانوں کا غلبہ نہیں ہوسکتا۔ صرف ہندوستانیوں کا غلبہ ہوسکتا ہے۔
اپنی تقریر کا آغاز کرتے ہوئے بھاگوت نے کہا کہ وہ اس پروگرام میں نہ تو کسی امیج تبدیلی کے لئےآئے ہیں اور نہ ہی ووٹ بینک کی سیاست کے لئے۔
بھاگوت نے کہا نہ سنگھ سیاست میں ہے اور نہ ہی اسے شبیہہ برقرار رکھنے کی فکر ہے۔
مسلم راشٹریہ منچ کے ذریعہ ' ہندوستانی پہلے، ہندوستان پہلے‘ کے عنوان سے منعقدہ ایک پروگرام سے خطاب کرتے ہوئے انہوں نے کہا کہ لوگوں میں یہ فرق نہیں کیا جاسکتا کہ وہ کس طرح پوجا کرتے ہیں۔
موہن بھاگوت نے اجلاس سے خطاب کیا اورساتھ ہی خواجہ افتخار احمد کی لکھی ہوئی ایک کتاب
'The Meetings of Minds: A Bridging Initiative,
کا اجرا بھی کیا۔
If a Hindu says that no Muslim should live here, then the person is not Hindu. Cow is a holy animal but the people who are lynching others are going against Hindutva. Law should take its own course against them without any partiality: RSS chief Mohan Bhagwat in Ghaziabad pic.twitter.com/ZcBS5X6mF5
— ANI UP (@ANINewsUP) July 4, 2021
اس موقع پر آر ایس ایس کے سربراہ موہن بھاگوت نے شاعری کا سہارا بھی لیا اور سامعین کی خدمت میں ایک شعر بھی پیش کیا۔جس پر خوب تالیاں بجیں ۔
#WATCH | RSS chief Mohan Bhagwat recites a shayari at launch of a book 'The Meetings of Minds: A Bridging Initiative, written by Dr Khawaja Iftikhar Ahmed', in Ghaziabad pic.twitter.com/8awRq5rZaE
— ANI UP (@ANINewsUP) July 4, 2021