نئی دہلی
کشمیر سمیت ملک بهر میں فرقه وارانہ منافرت کی فضا کے بیچ اکثر ہمیں ہم آہنگی کی ایسی مثالیں دیکھنے کو مل جاتی ہیں جو اصل میں قوم کے اجتماعی ڈی این اے میں موجود رواداری کی غمازی کرتی ہیں ۔ ایسی ہی ایک مثال ہمیں فوج کے ایک اعلی افسر کی طرف سے دیکھنے کو ملی ۔ سری نگر میں جموں و کشمیر لائٹ انفنٹری (جے اے سی ایل آئی) کے جوانوں کے ساتھ کشمیر میں واقع چنار کور جنرل آفیسر کمان کمانڈ (جی او سی) لیفٹیننٹ جنرل ڈی پی پانڈے کی مغرب کی نماز میں شرکت والی ایک تصویر سوشل میڈیا پر وائرل ہو رہی ہے۔ اس پوسٹ میں 'سیکولر ہندوستان' اور ہندوستانی فوج کی عظیم روایات کی تعریف کی جارہی ہے۔
جے اے سی ایل آئی جموں و کشمیر سے تعلق رکھنے والے فوجیوں کو راغب کرتی ہے اور اسی وجہ سے اس میں مسلمانوں کی ایک بڑی تعداد موجود ہے۔ اس رجمنٹ میں بدھ مت سمیت تمام مذاہب کے تہوار منانے کی روایت ہے۔ لیفٹیننٹ جنرل پانڈے سری نگر کے جے اے سی ایل آئی رجمنٹٹل سنٹر میں موجود تھے جہاں انہوں نے فوجیوں کے ساتھ نماز اور افطار میں شرکت کی۔ لیفٹیننٹ جنرل پانڈے نے اپنے فوجیوں کے ساتھ دعا مانگنے کی متعدد تصاویر ٹویٹر پر شیئر کیں۔
Lt Gen DP Pandey, GOC @ChinarcorpsIA attended Namaz-e-Maghrib with soldiers of JAK LI Regimental Centre at #Srinagar J&K.@atahasnain53, @Tiny_Dhillon, @proudhampur, @adgpi pic.twitter.com/CybBKAvIjG
— Sajid Yousuf Shah (@iCitizenSajid) May 10, 2021
واضح رہے کہ جے اے سی ایل آئی کو اکتوبر 1947 میں پاکستانی حملہ آوروں سے لڑنے کے لئے رضاکار فوجیوں کی رجمنٹ کے طور پر تشکیل دیا گیا تھا۔ یہ سن 1972 تک وزارت داخلہ کے ماتحت رہا اور 1972 میں ہندوستانی فوج کی ایک مکمل انفنٹری رجمنٹ بن گیا۔
