متھرا: حیرت انگیز،حسین نظارہ متھرا کے بارسانا میں دیکھا گیا۔ برسانا اور نندگاؤں کی گوپیاں وسنت پنچمی سے جس موقع کا انتظار کر رہی تھیں، وہ گھڑی جمعہ کو آئی۔یہاں لٹھ مار ہولی کھیلی گئی۔

دنیا کی مشہور لٹھ مار ہولی یہاں کھیلی جاتی ہے۔ ایک طرف نندگاؤں کے گوال ہاتھوں میں ڈھالیں اور سروں پر پگڑیاں باندھے ہوئے تھے، تو سامنے چمکتی ہوئی لاٹھیوں والی خواتین تھیں۔

برسانہ کی گلیوں میں ہولی کا موسم آتے ہی لاٹھیوں کی بارش شروع ہو گئی۔ گوپیوں کی طرف سے رنگ اور لاٹھی برسائی جا رہی تھیں جب کہ گوال، اسے ڈھالوں پر لے رہے تھے۔

واضح ہوکہ ہر ہولی پر پانچ چھ گھنٹے نقاب کی آڑ سے خواتین لاٹھیاں مارتی ہیں۔ اس بار بھی یہ منظر دیکھا گیا۔ لاٹھیوں سے پیار کے رنگ برسے تو پورا برسانا ہولی کے رنگ سے بھیگ گیا۔

دوپہر کو رنگیلی گلی سے شروع ہونے والی ہولی کی تقریبات کا یہ دور شام دیر گئے تک جاری رہا۔ ملک اور بیرون ملک سے ہزاروں عقیدت مند برسانا آئے اور اس منظرکے گواہ بنے۔

برسانہ کے لوگوں کو اطلاع ملی کہ نندگاؤں کے لوگ وسیع انتظامات کے ساتھ پیلے تالاب میں پہنچ گئے ہیں۔ وہاں ان کا استقبال کیا گیا۔ تالاب پرلاٹھیوں سے بچنے کا انتظام کیاگیا۔

سر پر پگڑی بندھی ہوئی تھی۔ کچھ نے اپنی پگڑی کو مور کے پروں سے سجارکھاتھا اور کچھ نے پتوں اور دولہا کی پگڑی سے۔

شام 4.30 بجے کے قریب نندگاؤں کے لوگ بزرگوں کے پاؤں چھو کر اونچگاؤں کے پل کے قریب جمع ہوئے۔ پھرشری رادھارانی مندر پہنچے اور کنہیا کے ساتھ ہولی کھیلنے کی درخواست کی۔ اس دوران نندگاؤں-برسانہ والوں کی طرف سے گانا گایا گیا۔