نئی دہلی:دہلی کے وزیر اعلی اروند کیجریوال نے جمعہ کو وزیر اعظم نریندر مودی کو خط لکھ کر مہاتما گاندھی کے ساتھ ساتھ سری گنیش اور دیوی لکشمی کی تصویر والے نوٹ جاری کرنے کی اپیل کی۔
انہوں نے خط میں لکھا کہ ملک کے 130کروڑ لوگ چاہتے ہیں کہ ہندوستانی کرنسی میں ایک طرف گاندھی جی اور دوسری طرف سری گنیش اور دیوی لکشمی کی تصویر ہو۔
خط میں مزید کہا گیا ہے کہ ملکی معیشت انتہائی برے مرحلے سے گزر رہی ہے۔ کیجریوال نے سوال کیا کہ آزادی کے 75 سال بعد بھی ہندوستان کا شمار ترقی پذیر اور غریب ممالک میں کیوں ہوتا ہے۔ آج بھی ہمارے ملک میں اتنی غربت کیوں ہے؟
मैंने प्रधानमंत्री जी को पत्र लिखकर 130 करोड़ भारतवासियों की ओर से निवेदन किया है कि भारतीय करेंसी पर महात्मा गांधी जी के साथ-साथ लक्ष्मी गणेश जी की तस्वीर भी लगाई जाए। pic.twitter.com/OFQPIbNhfu
— Arvind Kejriwal (@ArvindKejriwal) October 28, 2022
کیجریوال نے کہا کہ ہم وطنوں کو محنت کے ساتھ ساتھ بھگوانے آشیرواد کی بھی ضرورت ہے۔ درست پالیسی، محنت اور بھگوان ہی ملک کو آگے لے جائے گا۔
کیجریوال نے کہا کہ ان کے مطالبے کو عام لوگوں کی حمایت بھی مل رہی ہے، ہر کوئی چاہتا ہے کہ اسے فوری طور پر نافذ کیا جائے۔