اننت ناگ: سیکورٹی فورسز نے پہلگام میں تین دہشت گردوں کو مار گرایا ہے۔ حزب المجاہدین کے پرانے دہشت گردوں میں سے ایک اشرف مولوی بھی مارا گیاجو دہشت گردوں میں شامل تھا۔ جموں و کشمیر پولیس نے دعویٰ کیا ہے کہ امرناتھ یاترا دہشت گردوں کے نشانہ پر تھی۔

معلومات کے مطابق، اننت ناگ کے بٹ کوٹ پہلگام علاقے کے مشرق میں واقع سرچن ٹاپ کے جنگلاتی علاقے میں ایک تصادم میں تین دہشت گرد مارے گئے ہیں۔

ذرائع کے مطابق خدشہ ہے کہ انکاؤنٹر کے مقام پر ایک یا دو دہشت گرد ابھی بھی زندہ ہیں۔ اس لیے سیکورٹی فورسز اور دہشت گردوں کے درمیان تصادم جاری ہے۔ سیکورٹی فورسز کا کہنا ہے کہ گھنے جنگل کی وجہ سے انکاؤنٹر میں دشواری پیش آرہی ہے اور اس وجہ سے دہشت گردوں کی صحیح تعداد کا اندازہ نہیں لگایا جاسکا۔

دہشت گرد درخت کا فائدہ اٹھا کر سکیورٹی فورسز پر فائرنگ کر رہے ہیں۔ ذرائع کے مطابق پہلگام کے جنگلات میں چھپے ان دہشت گردوں پر امرناتھ یاترا کو نشانہ بنانے کی ذمہ داری تھی جسے سیکورٹی فورسز نے ناکام بنا دیا۔

آپ کو بتا دیں کہ کورونا کی وجہ سے دو سال بعد امرناتھ یاترا 30 جون سے شروع ہو رہی ہے، جس میں ملک بھر سے پانچ لاکھ سے زیادہ یاتری شرکت کریں گے۔