آج لوک سبھا میں وزیر داخلہ نے اپوزیشن جماعتوں کو نشانہ بناتے ہوئے کہا کہ ہم سے کشمیر کے تعلق سے سوال کیا جاتا ہے کہ آرٹیکل 370 کی منسوخی کے بعد ہم نے اپنے وعدوں کو پورا کیا یا نہیں- وزیر داخلہ نے کہا کہ ہم اس سوال کا جواب دینے کو تیار ہیں لیکن سوال کرنے والوں کو اپنے دور اقتدار میں کے جانے والے ایکشن کا بھی جواب دینا ہوگا- وزیر داخلہ نے مزید کہا کہ ہمیں جواب دینے سے کوئی اعتراض نہیں ہے لیکن کئی نسلوں تک اس ملک پر حکومت کرنے والوں کی طرف سے جواب مانگا جانا مناسب نہیں ہے- اس سے پہلے وزیر داخلہ امیت شاہ نے آج پارلیمنٹ میں جموں اور کشمیر ری آرگینائزیشن (ترمیم) بل 2021 پیش کیا- وزیر داخلہ نے کشمیر کی ریاستی حیثیت سے متعلق بل لوک سبھا میں پیش کرتے ہوئے کہا کہ جموں اور کشمیر کو مناسب وقت پر ریاستی حیثیت دی جائے گی-