پاکستان کا ہر سال 5 فروری کو نام نہاد یوم کشمیرمنانا آرٹیکل 370 کی منسوخی کے بعد اپنی اہمیت کھو چکا ہے- جموں و کشمیر کی خصوصی حیثیت کی منسوخی اور اسکے مرکزی خطے میں تبدیل ہونے نے اس بات کو یقینی بنایا ہے کہ جموں و کشمیر کی زندگی یوم کشمیر سے متاثرنہ رہے جس کو منانے کی شروعات 1990 میں کی گئی تھی۔ ہر سال اس واقعے میں خونریزی ، ہڑتالیں اور تباہی ہوتی تھی۔ لیکن اس بار کوئی ناخوشگوار واقعہ نہیں ہوا۔

وزیر اعظم نریندر مودی کے آرٹیکل 370 کو منسوخ کرنے کے فیصلہ کن قدم کے بعد کشمیر میں لوگوں نے نام نہاد یوم کشمیر پر کوئی دلچسپی ظاہر نہیں کی- لوگوں نے پاکستان کے لوگوں نے اس دن کیا کیا اس کی پرواہ کیے بغیر اپنے روزمرہ کے کاموں کو جاری رکھا۔ ایک پولیس افسر نے بتایا کہ دہشتگرد ، پتھراؤ کرنے والے ، علیحدگی پسند اور دیگر افراد جو بندوق کے ذریعہ معمول کی زندگی میں خلل ڈالنے کے لئے اوور ٹائم کام کرتے تھے ، اب نہیں کر پاتے ہیں- حریت رہنما سید علی شاہ گیلانی ، میر واعظ عمر فاروق ، جے کے ایل ایف کے سربراہ یاسین ملک جیسے پاکستان کے ہمدردوں کی طرف سے کوئی قابل ذکر بیان نہیں آیا ہے۔

ایک سیکیورٹی افسر نے بتایا کہ دو سال قبل تک ، ان علیحدگی پسند رہنماؤں نے کشمیری عوام سے اظہار یکجہتی کرنے پر پاکستان کا اظہار تشکر کے لئے بیانات کا سلسلہ جاری رکھا تھا۔ بہرکیف 5 اگست ، 2019 کو نئی دہلی کے اقدام نے اس بات کو یقینی بنایا ہے کہ یہ علیحدگی پسند رہنما اپنی اہمیت کھو بیٹھیں - وہ اہم کھلاڑی جو سڑکوں پر مظاہرے کرتے تھے اور نوجوانوں کو نام نہاد جہاد کی طرف دھکیلتے تھے ان کے فنڈز کے ذرائع بند ہو گیۓ ہیں جس کی وجہ سے ان کی سرگرمیاں ختم ہو گئی ہیں۔

اگست 2019 کو ہونے والی پیشرفت ، اس بات کا اشارہ ہے کہ کشمیری اس تبدیلی کے حامی ہیں۔ اور انہیں پاکستان کے ساتھ وابستگی غیر ضروری ہے اسکا احساس ہوگیا ہے- ریاست جموں و کشمیر کے مرکز کے زیر انتظام علاقے میں تبدیلی کے بعد ، زمینی صورتحال بدل گئی ہے۔ سیکیورٹی فورسز نے عسکریت پسند اعلی کمانڈروں اور ان کے ساتھیوں کو ختم کردیا ہے- اس کے علاوہ کچھ لوگوں میں یہ نظریہ بھی موجود ہے کہ منوج کمار سنہا کے جموں و کشمیر کے لیفٹیننٹ گورنر کا عہدہ سنبھالنے کے بعد معاملات انتہائی تیز رفتاری سےبہتر ہونا شروع ہو گیۓ ہیں اور اس کے نتائج واضح ہیں۔

پچھلےسالوں کے ترقیاتی کام مکمل ہونے کے قریب ہیں اور بہت سے نئے منصوبوں کی بنیاد پہلے ہی رکھی جاچکی ہے۔ یہاں تک کہ کوویڈ وبائی مرض کے دوران بھی اس بات کو یقینی بنایا گیا کہ جموں و کشمیر میں تمام لازمی اشیا کی سپلائی بلا تعطل جاری رہے- ایک مقامی باشندے عباس ڈار نے کہا ، "پاکستان میں بیٹھے لوگوں اور کشمیر میں ان کے ایجنٹوں کو یہ بات ہضم کرنی مشکل ہو رہی ہے کہ نیے جموں وکشمیر میں لوگوں نے ان رہنماؤں کو ترک کر دیا ہے جو علیحدگی پسندی اور بغاوت کی تبلیغ کرتے تھے۔

تاہم پاکستان نے فیس بک اکاؤنٹس ، ٹویٹر ہینڈلز اور واٹس ایپ گروپس کو ترک نہیں کیا جو لائن آف کنٹرول کے پار سے چلائے جاتے ہیں اور وہ گمراہ کرنے میں کوئی کسر نہیں چھوڑ رہے ہیں۔ لیکن موجودہ حرکت سے یہ ظاہر ہوتا ہے کہ ان کوششوں سے کوئی متاثر نہیں ہو رہا ہے- کشمیری عوام میں یہ احساس بھی بڑھ رہا ہے کہ انہیں بدلے ہوئے حالات کے مطابق خود کو ڈھالنا ہے اور ترقیاتی عمل کا حصہ بننا ہے۔ 5

فروری کو پاکستان میں جلوس نکالنا ، احتجاج کرنا اور دیگر کام کرنا جیسے واقعات ان کے لئے کوئی اہمیت نہیں رکھتے ہیں کیونکہ وہ اس حقیقت سے بخوبی واقف ہیں کہ یہ ڈرامہ کا ایک حصہ ہے جسے پاکستان ہر سال چلاتا ہے۔ اگر پاکستان اپنے ملک کے مسائل پر توجہ دے تو یہ زیادہ بہترہوگا- یوم کشمیر کو سب سے پہلے 1990 میں پاکستان میں نواز شریف کی کال پر منایا گیا تھا ، جو اس وقت اپوزیشن لیڈر اور وزیر اعلیٰ پنجاب تھے۔ شریف نے 1990 میں ملک گیر ہڑتال کی اپیل کی تھی اور لوگوں سے مطالبہ کیا تھا کہ وہ نام نہاد کشمیر کی کامیابی کے لئے دعا کریں۔ اس کے بعد ، 5 فروری پاکستان میں تعطیل قرار دی گئی تھی-۔