آواز دی وائس، نئی دہلی

 ہندوستان اور آسٹریلیا نے اقتصادی تعاون اور تجارتی معاہدے پر دستخط کیے جس میں وزیر اعظم نریندر مودی، ان کے آسٹریلیائی ہم منصب اسکاٹ موریسن، وزیر تجارت پیوش گوئل اور ان کے ہم منصب ڈین تہان نے شرکت کی۔ اس معاہدے کے ذریعے دستخط کیے گئے اس اقدام سے ٹیکسٹائل، چمڑے، فرنیچر، جیولری اور مشینری سمیت 6,000 سے زیادہ وسیع شعبوں کے ہندوستانی برآمد کنندگان کو فائدہ پہنچے گا۔

اس موقع پر وزیراعظم نریندر مودی نے کہا کہ ایک مختصر عرصے میں اتنے اہم معاہدے پر اتفاق رائے دونوں ممالک کے درمیان باہمی اعتماد کو ظاہر کرتا ہے۔ یہ ہمارے دوطرفہ تعلقات کے لیے واقعی ایک اہم لمحہ ہے۔

 مودی نے مزید کہا کہ دونوں ممالک ایک دوسرے کی ضروریات کو پورا کرنے کی بڑی صلاحیت رکھتے ہیں۔ اس معاہدے سے ہم مواقع سے فائدہ اٹھا سکیں گے۔ اس معاہدے کی بنیاد پر، ہم مل کر انڈو پیسیفک خطے کی سپلائی چین کی لچک اور استحکام میں اضافہ کرنے کے قابل ہو جائیں گے۔

اس موقع پر بات کرتے ہوئے آسٹریلیا کے وزیر اعظم اسکاٹ موریسن نے کہا کہ ہندوستان کے ساتھ دستخط شدہ تجارتی معاہدہ ہمارے قریبی تعلقات کو مزید گہرا کریں گے۔

انہوں نے مزید کہا کہ ہفتہ کا معاہدہ ہندوستان میں آسٹریلیا کی واحد سب سے بڑی سرمایہ کاری تھی لیکن یہ آخری نہیں ہوگا۔ انہوں نے کہا کہ IndAus معاہدے پر دستخط ہمارے اقتصادی تعلقات کے وعدے پر مزید ترقی کریں گے۔

 وہیں ہندوستانی وزیر تجارت پیوش گوئل نے بعد میں ایک پریس کانفرنس سے خطاب کرتے ہوئے کہا کہ یہ ہمارے تعلقات کے لیے ایک تاریخی دن ہے ۔ ایک دہائی میں ایک بڑی ترقی یافتہ معیشت کے ساتھ۔ ہم اگلے چار سے پانچ سالوں میں ہندوستان میں ایک ملین ملازمتوں فراہم کرنے کی توقع کرتے ہیں۔

آنے والے وقت میں ہندوستانی باورچیوں اور یوگا انسٹرکٹرز کے لیے کئی نئے مواقع کھلیں گے۔ ہم نے ہندوستان اور آسٹریلیا کے درمیان تعلیمی اداروں کے تعاون پر بھی بات چیت کی ہے۔

خیال رہے کہ ہندوستان-آسٹریلیا اقتصادی تعاون اور تجارتی معاہدہ (ہندآسٹریلیا ای سی ٹی اے) پر حکومت ہند کےتجارت و صنعت، صارفین امور ، خوراک اور عوامی تقسیم اور ٹیکسٹائل کے مرکزی وزیر پیوش گوئل، اور آسٹریلیا کی حکومت میں تجارت، سیاحت اور سرمایہ کاری کے وزیر ڈین تہان نے ایک ورچوئل تقریب میں،عزت مآب وزیر اعظم نریندر نریندر مودی اور آسٹریلیا کے وزیر اعظم عزت مآب سکاٹ موریسن کی موجودگی میں آج دستخط کئے۔

دستخط کے بعد بات کرتے ہوئے وزیر اعظم نریندر مودی نے واضح کیا کہ یہ گزشتہ ایک ماہ میں اپنے آسٹریلیائی ہم منصب کے ساتھ ان کی تیسری بات چیت ہے۔ انہوں نے وزیر اعظم موریسن کی قیادت اور ان کے تجارتی ایلچی اور آسٹریلیا کے سابق وزیر اعظم ٹونی ایبٹ کی کوششوں کو سراہا۔

انہوں نے کامیاب اور موثر مصروفیت کے لیے وزرائے تجارت اور ان کی ٹیم کی بھی تعریف کی۔ وزیر اعظم نے کہا کہ اتنے کم وقت میں ہندآسٹریلیا ای سی ٹی اے پر دستخط کرنا دونوں ممالک کے درمیان باہمی اعتماد کی گہرائی کو ظاہر کرتا ہے۔

مودی نے ایک دوسرے کی ضروریات کو پورا کرنے کے لیے، دونوں معیشتوں میں موجود، بہت بڑی صلاحیت کو اجاگر کیا اور کہا کہ یہ معاہدہ دونوں ممالک کو ان مواقع سے پوری طرح فائدہ اٹھانے کے قابل بنائے گا۔ انہوں نے زور دے کرکہا ’’یہ ہمارے دو طرفہ تعلقات کے لیے ایک اہم لمحہ ہے‘‘۔

وزیر اعظم نے کہا کہ ’’اس معاہدے کی بنیاد پر، ہم مل کر سپلائی چین کی لچک کو بڑھا سکیں گے، اور ہند-بحرالکاہل خطے کے استحکام میں بھی اپنا حصہ رسدی بھی کریں گے‘‘۔ ’عوام سے عوام‘ تعلقات کو ہندوستان اور آسٹریلیا کے درمیان تعلقات کا کلیدی ستون قرار دیتے ہوئے، وزیر اعظم نے کہا کہ ’’یہ معاہدہ ہمارے درمیان طلباء، پیشہ ور افراد اور سیاحوں کے تبادلے میں سہولت فراہم کرے گا، جس سے یہ تعلقات مزید مضبوط ہوں گے‘‘۔

Strengthening India-Australia economic and trade relations.
https://t.co/uPFd0sWvJM

— Narendra Modi (@narendramodi) April 2, 2022

وزیراعظم نے آئندہ ورلڈ کپ فائنل کے لیے آسٹریلیا کی خواتین کرکٹ ٹیم کے لئے بھی نیک خواہشات کا اظہار کیا۔

آسٹریلیا کے وزیر اعظم موریسن نے حالیہ برسوں میں دونوں ممالک کے درمیان تعاون کے قابل ذکر پیمانے کو بھی واضح کیا اور وزیر اعظم مودی کی قیادت کے لیے ان کا شکریہ ادا کیا۔ ہندوستان اور آسٹریلیا کے درمیان بڑھتے ہوئے تعلقات میں ہندآسٹریلیا ای سی ٹی اے پر دستخط کو ایک اور سنگ میل قرار دیتے ہوئے، آسٹریلوی وزیر اعظم نے کہا کہ یہ معاہدہ تعلقات کے وعدے کو مزید مستحکم کرتا ہے۔

موریسن نے کہا کہ تجارتی اور اقتصادی تعاون میں اضافے کے علاوہ، ہندآسٹریلیا ای سی ٹی اے معاہدہ ، کام، مطالعہ اور سفر کے مواقع کو وسعت دے کر دونوں ممالک کے لوگوں کے درمیان گرمجوش اور قریبی تعلقات کو مزید گہرا کرے گا۔ یہ ہمارے کاروباروں کو ایک طاقتور سگنل بھیجے گا کہ ’سب سے بڑے دروازے میں سے ایک‘ اب کھلا ہواہے کیونکہ دو متحرک علاقائی معیشتیں اور ہم خیال جمہوریتیں، باہمی فائدے کے لیے، مل کر کام کر رہی ہیں۔

انہوں نے مزید کہا کہ یہ ایک واضح پیغام بھی دیتا ہے کہ جمہوریتیں مل کر کام کر رہی ہیں اور سپلائی چین کی حفاظت اور لچک کو یقینی بنا رہی ہیں۔ ہندوستانی اور آسٹریلیائی وزراء نے بھی معاہدے پر دستخط کرنے سے پہلے دونوں ممالک کے درمیان تعلقات کی بڑھتے ہوئے استحکام سے متعلق اپنے خیالات کا اظہار کیا۔ بھارت-آسٹریلیا کے بڑھتے ہوئے اقتصادی اور تجارتی تعلقات، دونوں ممالک کے درمیان تیزی سے متنوع اور گہرے ہوتے تعلقات کے استحکام اور مضبوطی میں معاون ہیں۔

ہند-آسٹریلیا ای سی ٹی اے ، جس میں اشیا اور خدمات کی تجارت شامل ہے، ایک متوازن اور مساوی تجارتی معاہدہ ہے، جو دونوں ممالک کے درمیان پہلے سے قائم گہرے، قریبی اور اسٹریٹجک تعلقات کو مزید مستحکم کرے گا اور اشیا اور خدمات میں دو طرفہ تجارت میں نمایاں طور پر اضافہ کرے گا نیز روزگار کے نئے مواقع پیدا کرنے کے علاوہ معیار زندگی کو بلند کرے گا اور دونوں ممالک کے عوام کی عمومی بہبود کو بہتر بنائے گا۔