پنجی: شمالی گووا کے ایک نائٹ کلب میں گزشتہ رات شدید آگ لگنے سے کم از کم 25 افراد ہلاک ہو گئے۔ پولیس نے یہ اطلاع دی۔ اس سے قبل پولیس نے بتایا تھا کہ واقعے میں 23 افراد ہلاک ہوئے ہیں، جس کے بعد پولیس نے مزید دو اموات کی تصدیق کی۔
پولیس کے ایک ترجمان نے بتایا کہ شمالی گووا کے اَروپورا میں واقع ‘برچ بائے رومیو لین’ نامی نائٹ کلب میں آگ لگنے سے 25 افراد ہلاک ہو گئے۔ انہوں نے کہا کہ مرنے والوں میں چار سیاح اور نائٹ کلب کے 14 ملازمین شامل ہیں، جبکہ دیگر سات کی شناخت کی جارہی ہے۔
#WATCH | On fire at a restaurant in North Goa’s Arpora, claiming 25 lives, Goa CM Pramod Sawant says, "This is an unfortunate day. For the first time in Goa's tourism history, such a big incident of fire has occurred. 25 people died...I reached the spot at 1.30-2 am, local MLA… pic.twitter.com/ABAqCDcXAB
— ANI (@ANI) December 7, 2025
ایک اہلکار نے بتایا کہ زخمی چھ افراد کا فی الحال پنجی کے قریب بَمبولِم میں واقع گووا میڈیکل کالج و اسپتال میں علاج جاری ہے۔ انہوں نے کہا کہ آگ لگنے کی وجہ معلوم کی جارہی ہے۔ اہلکار نے کہا، پولیس اور فائر بریگیڈ تحقیقات کر رہے ہیں اور قانونی کارروائی کی جا رہی ہے۔
وزیراعلیٰ پرمود ساونت نے کہا کہ ابتدائی معلومات کے مطابق نائٹ کلب نے آگ سے متعلق حفاظتی معیار پر عمل نہیں کیا تھا۔ ساونت نے کہا، ہم کلب کے انتظامیہ اور اُن افسران کے خلاف کارروائی کریں گے جنہوں نے حفاظتی معیار کی خلاف ورزی کی۔ ساونت نے کہا، ساحلی ریاست میں یہ افسوسناک واقعہ ایسے وقت ہوا ہے جب بڑی تعداد میں سیاح یہاں آتے ہیں۔ وزیراعلیٰ نے کہا،ہم واقعے کی گہرائی سے جانچ کریں گے اور قصورواروں کے خلاف سخت کارروائی کی جائے گی۔
