آواز دی وائس، نئی دہلی

"حجاب اور بھگوا پر مت لڑو۔ جب ہم ایسی چیزیں دیکھتے ہیں تو ہمیں تکلیف ہوتی ہے،" ہندوستان ٹائمز کی ایک رپورٹ کے مطابق، ایک فوجی کا آخری پیغام تھا۔

یہ 37 سالہ حوالدار الطاف احمد کی طرف سے بھیجے گئے آخری آڈیو پیغامات میں سے ایک میں ریکارڈ کیا گیا تھا۔

یہ 23 فروری2022 کو کشمیر میں برفانی تودے کی زد میں آکر موت کی آغوش میں جانے  سے ٹھیک پہلے کی بات ہے۔ --

اس کے دوستوں نے سوشل میڈیا پر شیئر کیے گئے آڈیو میسیج میں لوگوں سے اپنے اختلافات کو ایک طرف رکھنے کی التجا کرتے ہوئے سنا ہے۔

’’مذہب اور ذات پات کے نام پر لڑائی نہ کرو‘‘ پیغام میں مزید کہاکہ"اچھی طرح سے ر ہو. مذہب اور ذات پات کے نام پر نہ لڑیں۔ ہمارے سپاہی یہاں (کشمیر) کی خدمت کر رہے ہیں اور اپنی جانیں دے رہے ہیں تاکہ آپ ٹھیک اور محفوظ رہیں۔ قوم کے بارے میں سوچیں اور اپنے بچوں کو بھی ایسا کرنا سکھائیں۔

الطاف، جس کا تعلق کرناٹک کے کوڈاگو سے ہے، کشمیر میں تعینات تھا اور آرمی آرڈیننس کور کا حصہ تھا۔ ان کے پسماندگان میں والدہ، بیوی، بیٹا اور بیٹی شامل ہیں۔

الطاف کی بیوی زبیری ویراج پیٹ کے یاداپالا کی رہنے والی ہے اور وہ گزشتہ 10 سالوں سے کیرالہ کے ماتانور ضلع میں رہ رہی ہے۔

الطاف کی پرورش مینوپیٹ میں ہوئی اور اس نے ویراج پیٹ کے سینٹ اینز اسکول میں دسویں جماعت تک تعلیم حاصل کی اور ویراج پیٹ گورنمنٹ جونیئر کالج میں پی یو کی تعلیم مکمل کی۔انہوں نے 19 سال تک فوج میں خدمات انجام دیں۔