نئی دہلی۔ ہندوستان میں انگلینڈ کی کرکٹ ٹیم کی شرمناک شکست کے بعد انگلش مداحوں کا کوئی جذباتی ردعمل سامنے نہیں آیا۔مگر احمد آباد کے نریندر مودی اسٹیڈیم میں صرف دو دن کے دوران دس وکٹوں سے شکست کے بعد انگلینڈ کی خواتین کرکٹ ٹیم کو ضرور تائو آؑیا۔جس کے بعد انگلینڈ کرکٹ کے مرد اور عورتیں سوشل میڈیا میں بھڑ گئے۔
ایک بڑی اور شرمناک شکست کے بعد یوں کسی نے اس کا الزام بعض نے پچ پر لگایا تو کچھ کا کہنا تھا کہ یہ بلے بازوں کی ’صلاحیتوں‘ کا امتحان تھا۔لیکن میچ پرانگلینڈ کے مرد و خواتین کرکٹرز سوشل میڈیا پر ایک دوسرے کے ساتھ بحث کرتے رہے۔
یہ سلسلہ انگلینڈ کی خاتون کرکٹر الیگزنڈرا ہارٹلی کی ایک ٹویٹ سے شروع ہوا جس میں انہوں نے مردوں کی ٹیم کی ہار پر طنز کیا۔ان کا کہنا تھا کہ ’انگلینڈ کے بوائز نے اچھا کیا کہ انگلینڈ کی خواتین ٹیم کے میچ شروع ہونے سے پہلے ہی ٹیسٹ میچ ختم کر دیا۔‘
Nice of the England boys to get this test match finished just before England Women play tonight 👏🏽👏🏽👏🏽👏🏽
— Alexandra Hartley (@AlexHartley93) February 25, 2021
Catch them on @btsportcricket #INDvENG #bbccricket #NZvENG
تاہم یہ ٹویٹ ان کے ملک کے مرد کھلاڑیوں کو کچھ زیادہ پسند نہیں آئی۔ اس ٹویٹ کے فوراً بعد ہی ٹیسٹ کرکٹر روری برنز نے جواب میں لکھا: ’یہ جانتے ہوئے کہ تمام ’بوائز‘ خواتین کے میچز کو سپورٹ کرتے ہیں یہ انتہائی مایوس کن رویہ ہے۔‘روری برنز کو بعد میں اپنی اس ٹویٹ کو ہٹانا پڑا تاہم اس سے قبل ان کی اس ٹویٹ کو ہندوستان سے ہارنے والی ٹیم میں شامل جیمز اینڈرسن اور بین سٹوکس لائک کر چکے تھے۔
اسی طرح ہارٹلی کی ٹویٹ سے ایک اور انگلش کرکٹر بین ڈکِٹ بھی زیادہ خوش دکھائی نہیں دئیے اور انہوں نے بھی ٹوئٹر پر ہی لکھا ’ ایک ایورج ٹویٹ۔ میرا نہیں خیال کہ خواتین کی ہار پر مردوں کی ٹیم میں سے کوئی (تالیاں بجائے گا)۔‘ انہوں نے تالیوں کےلئےایموجیز کا استعمال کیا۔
England cricketers in awkward Twitter spat after two-day capitulation 😶😶
— Fox Cricket (@FoxCricket) February 25, 2021
MORE: https://t.co/jxlhxN3YeW pic.twitter.com/5qXwE6AAiQ
یاد رہے کہ ہندوستان کے خلاف ٹیسٹ میچ میں انگلینڈ کی ٹیم اپنی پہلی اننگز میں 112 پر آؤٹ ہو گئی تھی، جس کے جواب میں ہندوستان نے 145 رنز بنائے۔ دوسری اننگز انگلینڈ کے لیے پہلے سے زیادہ مایوس کن رہی کیونکہ اس کی پوری ٹیم صرف 81 پر ہی ڈھیر ہو گئی۔ہندوستان نے 49 رنز کا ہدف باآسانی بغیر کوئی وکٹ گنوائے حاصل کر لیا۔