نئی دہلی: وزیر اعظم نریندر مودی نے ہفتہ کے روز جاپان کے ساتھ ہندوستان کی شراکت داری کو مزید گہرا کرنے کی اہمیت پر زور دیتے ہوئے کہا کہ یہ نہ صرف دونوں ممالک بلکہ دنیا میں امن، خوشحالی اور استحکام کے لیے بہت ضروری ہے۔

انہوں نے کہا کہ دونوں ممالک نے دوطرفہ، علاقائی اور بین الاقوامی اہمیت کے امور کے ساتھ ساتھ اقوام متحدہ اور دیگر فورمز پر باہمی تعاون کو مزید بڑھانے کے اپنے نئے عزم کا اعادہ کیا ہے۔ جاپان، ہندوستان میں غیر ملکی سرمایہ کاری کےمعاملے میں ایک اہم شراکت دار ہے اور جاپانی کمپنیاں ’’دنیا کے لئے ہندوستان میں مینوفیکچرنگ‘‘ کی ہندوستان کی کوششوں کی برانڈ ایمبیسیڈر ہیں۔ مسٹر مودی ہندوستان دورہ پر آئے جاپانی وزیر اعظم فومیو کشیدا کے ساتھ دارالحکومت میں چوٹی کانفرنس کے بعدمشترکہ پریس کانفرنس سے خطاب کر رہے تھے۔

انہوں نے کہا ’’اس تناظر میں، ہندوستان-جاپان شراکت داری کو مزید گہرا کرنا نہ صرف دونوں ممالک کے لیے اہم ہے، بلکہ اس سے ہند-بحرالکاہل خطے اور عالمی سطح پر بھی امن، خوشحالی اور استحکام کو فروغ ملے گا‘‘۔ انہوں نے کہا کہ ہمیں خوشی ہے کہ سال 2014 میں دونوں ممالک نے ہندوستان میں جاپان کی جانب سے 3.5 لاکھ کروڑ ین کی سرمایہ کاری کا ہدف مقرر کیا تھا جو حاصل کر لیا گیا ہے۔ ہم نے پانچ سالوں میں پانچ لاکھ کروڑ ین (تین لاکھ 20 ہزار کروڑ روپے) کی سرمایہ کاری کا نیا ہدف مقرر کیا ہے۔ انہوں نے کہا کہ جاپان ہندوستان میں عالمی سرمایہ کاری کا سب سے قابل اعتماد اور سب سے بڑا شراکت دار ہے-۔

جاپانی وزیر اعظم نے ہندوستان میں بڑی سرمایہ کاری کا اعلان کیا ہے۔ کشیدا نے کہا کہ جاپان اگلے 5 سالوں میں ہندوستان میں 3.2 لاکھ کروڑ روپے کی سرمایہ کاری کرے گا۔ کشیدا ہفتہ کو دو روزہ دورے پر ہندوستان پہنچی ہیں۔

جاپانی وزیر اعظم نے پہلے دن دہلی کے حیدرآباد ہاؤس میں پی ایم مودی سے ملاقات کی۔ اس دوران دونوں کے درمیان کئی امور پر بات چیت ہوئی۔ اس کے بعد دونوں نے 14ویں ہندوستان-جاپان سالانہ چوٹی کانفرنس میں حصہ لیا۔

کانفرنس میں پی ایم مودی نے کہا کہ جاپان کے پی ایم ہمارے پرانے دوست ہیں۔ جاپان کے وزیر اعظم بننے کے بعد کشیدا کا ہندوستان کا یہ پہلا دورہ اور پی ایم مودی سے پہلی ملاقات ہے۔

خارجہ سکریٹری ہرش وردھن شرنگلا نے کہا کہ وزیر اعظم مودی اور جاپانی وزیر اعظم کشیدا نے آج کی میٹنگ میں یوکرین کے مسئلہ پر بھی تبادلہ خیال کیا۔ دونوں ممالک نے روس اور یوکرین کے درمیان جاری تنازع اور انسانی بحران پر تبادلہ خیال کیا۔ اس کے پرامن حل پر بھی زور دیا۔

Advancing friendship with Japan.

Prime Ministers @narendramodi and @kishida230 held productive talks in New Delhi. Both leaders discussed ways to boost economic and cultural linkages between the two countries. pic.twitter.com/GYhHjlarKY

— PMO India (@PMOIndia) March 19, 2022