نئی دہلی
ملک میں کورونا کے تیزی سے بڑھتے کیسز کے پیش نظر وزیر اعظم نریندر مودی نے پنجاب، کرناٹک، بہار اور اتراکھنڈ کے وزرائےاعلیٰ کے ساتھ فون پر بات کی اور کووڈ سے متعلق صورتحال کا جائزہ لیا ہے۔
واضح رہے کہ پچھلے چند دنوں کے دوران جناب نریندر مودی نے اِس معاملے پر دیگر ریاستوں کے وزرائے اعلیٰ کے ساتھ بھی فون پر بات چیت کی ہے۔ بات چیت میں وزیر اعظم نے متعلقہ ریاستوں میں صحت سے متعلق سہولیات اور ویکسینیشن کی صورتحال کا گہرائی سے جائزہ لیا ۔ ان میں تمل ناڈو، جھارکھنڈ، اڈیشہ، تلنگانہ، مہاراشٹر، مدھیہ پردیش اور سکم کے وزرائے اعلیٰ شامل ہیں۔