نئی دہلی:ملک میں جان لیوا عالمی وبا کورونا وائرس کے کیسز میں گراوٹ کے درمیان گزشتہ 24 گھنٹوں کے دوران 10 ہزار سے زیادہ نئے کیسز رپورٹ ہوئے ہیں، جبکہ اس کے مقابلے میں 11 ہزار سے زیادہ مریض صحت یاب ہوئے ہیں۔

دریں اثناء پیر کو ملک میں 59 لاکھ 8 ہزار 440 افراد کو کورونا سے بچاؤ کے ٹیکے لگائے گئے اور اب تک ایک ارب 9 کروڑ 8 لاکھ 16 ہزار 356 افراد کو ویکسین لگائے جا چکے ہیں۔

منگل کی صبح مرکزی وزارت صحت کی طرف سے جاری کردہ تازہ ترین اعداد و شمار کے مطابق گزشتہ 24 گھنٹوں میں کورونا وائرس کے 10 ہزار 126 نئے کیسز سامنے آئے ہیں اور اس کے ساتھ ہی متاثرین کی تعداد بڑھ کر تین کروڑ 43 لاکھ 77 ہزار 113 ہو گئی ہے۔

اس دوران 11 ہزار 982 مریض صحت یاب ہوئے ہیں اور اس کے ساتھ ہی اس وبا کو شکست دینے والوں کی تعداد تین کروڑ 37 لاکھ 75 ہزار 86 ہوگئی ہے۔ ملک میں ایکٹیو کیسز 2,188 سے گھٹ کر 1,40,638 رہ گئے ہیں۔ اسی عرصے میں 332 مریضوں کی موت کے بعد ہلاک شدگان کی مجموعی تعداد چار لاکھ 61 ہزار 389 ہو گئی ہے۔

ملک میں کورونا وائرس کے ایکٹیو کیسز کی شرح 0.41 فیصد، صحت یابی کی شرح 98.25 فیصد اور اموات کی شرح 1.34 فیصد پر برقرار ہے۔ مہاراشٹر کے خطہ مراٹھواڑہ میں گزشتہ 24 گھنٹوں میں کورونا وائرس کے 28 نئے کیسز سامنے آئے ہیں اور تین افراد کی موت ہو گئی ہے۔

صحت کے حکام نے منگل کو یہ اطلاع دی۔ خطے کے تمام ضلع ہیڈکوارٹروں سے دستیاب اعداد و شمار کے مطابق ضلع اورنگ آباد خطے کے آٹھ اضلاع میں سے گزشتہ 24 گھنٹوں کے دوران سب سے زیادہ متاثررہا، جہاں نو نئے کیسز رپورٹ ہوئے اور دو لوگوں کی موت ہو گئی۔

اس کے بعد ضلع عثمان آباد میں دو نئے کیسز اور ایک شخص کی موت ہوگئی۔ ضلع بیڈ میں سات، ضلع پربھنی میں چار، ضلع جالنا میں تین اور ہنگولی، لاتور اور ناندیڑ اضلاع میں ایک ایک کیس رپورٹ ہوئے ہیں۔ (ایجنسی ان پٹ)