آواز دی وائس،حیدرآباد

ویکسین بنانے والی کمپنی بائیولوجیکل لمیٹڈ نے پیر کو اعلان کیا کہ اس نے اپنی ویکسین کورویکس(Corbevax) کی قیمت کو پرائیویٹ COVID-19 امیونائزیشن مراکز کے لیے 840 روپے سے کم کر کے 250 روپے کر دیا ہے۔ جس میں جی ایس ٹی بھی شامل ہے۔

اب صارف کے لیے قیمت 400 روپے فی خوراک ہوگی، جس میں ٹیکس اور ایڈمنسٹریشن چارجز شامل ہیں۔ حیدرآباد میں مقیم کمپنی نے کہا کہ اس نے اپنی ویکسین کی قیمت میں کمی کی ہے تاکہ اسے مزید سستی بنایا جاسکے اور وائرس سے زیادہ سے زیادہ بچوں کی حفاظت کے لیے رسائی بڑھانے میں مدد ملے۔

یہ فیصلہ 5 سے 12 سال کی عمر کے بچوں کے لیے ہنگامی استعمال کی اجازت (EUA) حاصل کرنے کے چند ہفتوں کے اندر سامنے آیا ہے۔ ویکسین کی پچھلی پرائیویٹ مارکیٹ قیمت 990 روپے فی خوراک تھی، جس میں ٹیکس اور ویکسین ایڈمنسٹریشن چارجز شامل تھے۔

کوربیویکس کو ایک خوراک کی شیشی میں بھی پیش کیا جاتا ہے، جو اسے ویکسین کے انتظام کے لیے زیادہ آسان بناتا ہے۔

یہ ویکسین کے ضیاع کو روکتا ہے، جو نجی ہسپتالوں کے لیے ایک بڑا فائدہ ہے۔ Corbevax ویکسینیشن سلاٹ Co-Win ایپ یا Co-Win پورٹل کے ذریعے 12 سے 17 سال کی عمر کے بچوں کے لیے بک کیا جا سکتا ہے۔

اب تک ملک بھر میں بچوں کو کوربیویکس کی 4.39 کروڑ خوراکیں دی جا چکی ہیں اور بائیولوجیکل E. نے تقریباً 10 کروڑ خوراکیں حکومت کو فراہم کی ہیں۔

کمپنی نے ویکسینیشن کے لیے EUA حاصل کرنے سے پہلے 5-12 اور 12-18 سال کی عمر کے 624 بچوں میں فیز 2 اور 3 ملٹی سینٹر کلینیکل ٹرائلز کیے تھے۔