نئی دہلی. ممنوعہ دہشت گرد تنظیموں جماعت المجاہدین بنگلہ دیش (جے ایم بی) اور چار بنگلہ دیشیوں اور برصغیر ہند میں القاعدہ (اے کیو آئی ایس) سے منسلک ایک ہندوستانی کارکن کے خلاف داخل کی گئی چارج شیٹ میں، نیشنل انوسٹی گیشن ایجنسی (این آئی اے) نے کہا ہے کہ یہ ہندوستان اور بنگلہ دیش 'خلافت' قائم کرنے اور دہشت گردانہ سرگرمیوں کو انجام دینے کے لیے بھرتی اور تحریک دینے کی سازش تھی۔جس میں مسلما نوجوانوں کو شامل کرنے کی سازش کی گئی تھی۔
این آئی اے کی خصوصی عدالت، کولکاتہ میں 7 جنوری کو داخل کی گئی چارج شیٹ میں پانچ ملزمین - چار بنگلہ دیشی اور ایک ہندوستانی آپریٹو - کے خلاف درج کیا گیا ہے کہ وہ جے ایم بی اور القاعدہ کے ماڈیول قائم کرنے میں سرگرم عمل تھے۔
یہ کمزور مسلم نوجوانوں کے ماڈیول، بھرتی کرنے کی سازش تھی۔ اس کا مقصد ہندوستان میں دہشت گردانہ سرگرمیوں کو آگے بڑھانا تھا تاکہ دونوں دہشت گرد تنظیموں کے نظریے کا پرچار کیا جا سکے۔
وہ ہندوستان میں دہشت گردانہ سرگرمیوں کی منصوبہ بندی بھی کر رہے تھے۔یہ این آئی اے کی خصوصی عدالت، کولکاتہ، مغربی بنگال کے سامنے 7 جنوری کو داخل کی گئی چارج شیٹ میں بتایا گیا ہے۔
پانچوں ملزمان نے بنگلہ دیش سے حوالہ کے ذریعے رقم حاصل کی تھی اور دھوکہ دہی سے ہندوستانی شناختی دستاویزات بشمول آدھار کارڈ، انتخابی تصویری شناختی کارڈ، پین کارڈ اور پاسپورٹ حاصل کیے تھے تاکہ شناخت سے بچنے اور قانون نافذ کرنے والے اداروں سے اپنی غیر قانونی سرگرمیوں کو چھپا سکیں۔
چارج شیٹ میں چار بنگلہ دیشی سازش کاروں کا نام نجیب الرحمان پاول عرف نجی الرحمان، ایم خان، ربیع الاسلام اور محمد عبدالمنان بچو ہے، جب کہ ہندوستانی گرگےکا نام لالو سین ہے، جو مغربی بنگال کا رہائشی ہے۔
ان پر تعزیرات ہند (آئی پی سی) کی مختلف دفعات، غیر قانونی سرگرمیاں (روک تھام) ایکٹ کی دفعہ 17، 18، 38 اور 39، غیر ملکی قانون کی دفعہ 14 اے (بی) اور پاسپورٹ ایکٹ کی دفعہ 12 کے تحت الزامات عائد کیے گئے ہیں۔
انسداد دہشت گردی ایجنسی نے کہا کہ یہ مقدمہ، اصل میں اسپیشل ٹاسک فورس (ایس ٹی ایف) کولکتہ کے ذریعہ درج کیا گیا تھا، جو تین بنگلہ دیشی شہریوں کی مجرمانہ سازش سے متعلق ہے، جو جے ایم بی اور اے کیو آئی ایس کے اپنے ساتھیوں کے ساتھ غیر قانونی طور پر ہندوستان میں داخل ہوئے تھے۔
این آئی اے نے گزشتہ سال 6 اگست کو کیس کا دوبارہ اندراج کیا تھا اور تحقیقات شروع کی تھی۔
