آواز دی وائس، نئی دہلی

 لداخ سیکٹر کی وادی گلوان میں چینی فوج کے خلاف انتھک جدوجہد کرنے والے کرنل سنتوش بابو کو بعد از مرگ مہا ویر چکر سے نوازا گیا ہے۔

صدر رام ناتھ کووند نے 23 نومبر 2021 کوراشٹرپتی بھون میں منعقدہ ایک پروگرام میں یہ اعزاز ان کی والدہ اور اہلیہ کی خدمت میں پیش کیا۔

کرنل سنتوش بابو وادی گلوان میں آبزرویشن پوسٹ پر تعینات تھے، اسی وقت چینی فوج نے ہندوستان پر حملہ کیا، جس کے بعد سنتوش بابو نے آگے بڑھ کر دشمن کا مقابلہ کیا اور ملک کے لیے جان دی۔

صدر جموریہ ہند رام ناتھ کووند نے بہار رجمنٹ کی 16ویں بٹالین (بعد از مرگ) کرنل بیکومالا سنتوش بابو کو مہا ویر چکر پیش کیا ہے۔

اس موقع پر صدررام ناتھ کووند نے اپنے ٹوئٹ میں لکھا کہ کرنل بیکومالا سنتوش بابونےمثالی قیادت اور شاندار پیشہ ورانہ مہارت کا مظاہرہ کیا تھا۔۔ انہوں نے دشمن کے مقابلے میں شاندار بہادری کا مظاہرہ کیا اور قوم کے لیے عظیم قربانی دی تھی۔

President Kovind presents Maha Vir Chakra to Colonel Bikumalla Santosh Babu, 16th Battalion, Bihar Regiment (Posthumous). He displayed exemplary leadership and astute professionalism. He showed conspicuous bravery in the face of enemy and made supreme sacrifice for the nation. pic.twitter.com/LkYCsXPSmt

— President of India (@rashtrapatibhvn) November 23, 2021