آواز دی وائس، نئی دہلی
ہند پاک سرحد پرایک ایسی درگاہ ہے، جہاں ہندو اور مسلمان عقیدت و احترام کے ساتھ آتے ہیں، حتیٰ ہندوستانی فوج بھی اس درگاہ پر عقیدت کے پھول چڑھانے جاتے ہیں۔ یہ درگاہ بابا دلیپ سنگھ منہاس کی ہے، جو بابا چملیال کے نام سے مشہور ہیں۔
کورونا وبا کے دو سال بعد جموں و کشمیر کے ضلع سانبا کے رام گڑھ سیکٹر میں ہند پاک بین الاقوامی سرحد پر واقع بابا دلیپ سنگھ منہاس کی درگاہ پر23 جون2022 کو بابا چملیال میلہ ہو رہا ہے۔
اس سلسلے میں چیئرمین ضلع ترقیاتی کونسل کیشودت شرما نے ڈپٹی کمشنر سانبا انورادھا گپتا کی موجودگی میں بابا چملیال میلے کے سلسلے میں ایک میٹنگ ہوئی۔ اس میٹنگ میں میلےکے انتظامات کا جائزہ لیا گیا۔اس میٹنگ میں بابا چملیال درگاہ کمیٹی کے اراکین اور ضلعی افسران نے بھی شرکت کی۔
ہندپاک سرحد پر لہراتا ترنگہ
میٹنگ میں اس بات پر بھی زور دیا گیا کہ میلے میں عقیدت مندوں کا بہت زیادہ ہجوم ممکن ہے کیوں کہ میلہ دو سال کے وقفے کے بعد منعقد کیا جا رہا ہے۔
اس موقع پر سانبا کی ڈپٹی کمشنرانورادھا گپتا نے بتایا کہ ضلع انتظامیہ نےعقیدت مندوں کی سہولت کےلیے تمام بنیادی چیزیں مہیا کرائی جا رہی ہیں۔ یہاں انتظامیہ کی جانب سے پانی، بجلی،انفارمیشن سینٹر، ٹرانسپورٹیشن اور دیگرچیزوں کی فراہمی کے لیے انتظامات کئے جا رہے ہیں۔
اس کے علاوہ آراینڈ بی سے کہا گیا کہ وہ بابا چملیال کی درگاہ کو جوڑنے والی تمام شاہراہوں پربلیک ٹاپنگ(blacktopping) شروع کرے۔
درگاہ کے لیے چادر
نیزمحکمہ پی ایچ ای سے کہا گیا کہ وہ پانی کی بلاتعطل فراہمی کو یقینی بنایا جائے اور پانی کےاضافی ٹینکروں کی فراہمی کوبھی کی جائے۔
جب کہ پی ڈی ڈی سے کہا گیا کہ وہ میلے کے دوران پنڈال پر بجلی کی بلا تعطل فراہمی کے علاوہ روشنی کے مناسب انتظامات کو یقینی بنایا جائے۔
خیال رہے کہ ملیے کے پیش نظر درگاہ کی از سرنو صفائی کی جا رہی ہے۔
ڈپٹی کمشنر نےاس سال درگاہ پر آنے والے عقیدت مندوں کے بہت زیادہ بھیڑ کودیکھتے ہوئے مختلف مقامات پر مناسب تعداد میں کوڑے دان بھی نصب کرنے کی ہدایت دی ہے۔
دعا کرتے زائرین
انہوں نے لیگل میٹرولوجی اور سی اےاینڈپی ڈی کے محکموں کو بھی ہدایات جاری کی ہے کہ وہ یہاں دکانداروں کے ذریعہ فروخت کی جانے والی کھانے پینے کی اشیاء کے معیار،حفظانِ صحت اور قیمتوں کے اضافےپرنظررکھیں۔
وہیں محکمہ صحت کو ہدایت کی گئی کہ وہ2 ایمبولینسیں تعینات کرے اور دونوں مقامات پر طبی سہولیات اور طبی عملے کے لیے خاطر خواہ انتظامات کی جائے۔
ڈی سی نے مختلف محکموں سے کہا کہ وہ اپنے اپنے محکموں کے اسٹالزبھی ضرور لگائیں تاکہ آنے والے عقیدت مندوں کو اسکیموں اورفلاحی پروگراموں کے بارے میں آگاہ کیا جا سکے۔
درگاہ کا صدر دروازہ
محکمہ سیاحت سے کہا گیا کہ وہ نمایاں مقامات پر بینرزاورہورڈنگز لگا کر تقریب کی مناسب تشہیرکو یقینی بنائیں۔
بتایا گیا کہ درگاہ پر کنٹرول روم قائم کر دیا گیا ہے جسے عقیدت مندوں کی سہولت کے لیے 24گھنٹے فعال رکھا جائے گا۔ جب کہ میلہ آفیسر زائرین کو تمام ضروری سہولیات فراہم کرنے کے لیےلائن ڈپارٹمنٹس کے درمیان ہم آہنگی کو یقینی بنائیں گے۔