نئی دہلی

شہریت ترمیمی قانون (سی اے اے) کے قواعد بنانے کے لئے مرکزی حکومت نے 9 جنوری تک توسیع کا مطالبہ کیا ہے۔ اسے پارلیمنٹ نے 2019 میں منظور کیا تھا۔

منگل کو وزیر مملکت برائے داخلہ نتیانند رائے نے یہ معلومات لوک سبھا کو دیں۔ وہ کانگریس کے رکن پارلیمنٹ گوروگوگوئی کے ایک سوال کا جواب دے رہے تھے۔

پوچھا گیا تھاکہ کیا حکومت سی اے اے کے قواعد وضع کرنے اور اس ضمن میں اٹھائے جانے والے اقدامات کی جانکاری دینے سے چوک گئی؟

انہوں نے کہا ، "سٹیزن شپ (ترمیمی) ایکٹ (سی اے اے) کو 12.12.2019 کو پاس کیا گیا تھا۔

رائے نے کہا ، "ماتحت قانون سازی ، لوک سبھا اور راجیہ سبھا کی کمیٹیوں سے درخواست کی گئی ہے کہ وہ شہریت (ترمیمی) ایکٹ ، 2019 کے تحت قواعد بنانے کے لئے وقت 09.01.2022 تک بڑھا دیں۔ سی اے اے میں پاکستان ، بنگلہ دیش اور افغانستان کی مظلوم غیر مسلم اقلیتوں کو ہندوستانی شہریت دینے کا انتظام ہے۔

حکومت نے ان قوانین کو وضع کرنے کے لئے یہ پانچویں توسیع کی کوشش کی ہے۔

پارلیمنٹ کے دستور کے مطابق ، صدر کی منظوری یا توسیع کے 6 ماہ کے اندر کسی بھی قانون کے لئے قواعد وضع کیے جانے چاہئیں تھے۔واضح ہوکہ اس قانون کے مطابق پاکستان، افغانستان اور بنگلہ دیش سے آئے غیرمسلموں کو جو 31 دسمبر 2014 تک ہندوستان آئے تھے اور وہاں مذہبی ظلم و ستم کا سامنا کررہے تھے ، انہیں غیر قانونی تارکین وطن نہیں سمجھا جائے گا۔

انہیں ہندوستانی شہریت دی جائے گی۔ غور طلب ہے کہ سی اے اے کے پارلیمنٹ کے پاس ہونے کے بعد ، ملک کے مختلف حصوں میں بڑے پیمانے پر مظاہرے ہوئے۔ اس دوران ، پولیس فائرنگ اور اس سے وابستہ تشدد میں 100 کے قریب افراد ہلاک ہوگئے۔