نئی دہلی
وزیر اعظم نریندر مودی نے آج کہا ہے کہ’ووکل فار لوکل‘ کے تحت مقامی مصنوعات کو فروغ دینا بابائے قوم مہاتما گاندھی اور مجاہدین آزادی کے لئے بہترین خراج تحسین ہوگا۔ مسٹر مودی نے یہ بات جمعہ کو ملک کی آزادی کے 75 سال مکمل ہونے پر’آزادی کاامرت مہوتسو‘ کے تحت منائی جانے والی مختلف تقریبات کے افتتاح سے قبل ایک ٹویٹر پیغام میں کہی۔
Today’s #AmritMahotsav programme begins from Sabarmati Ashram, from where the Dandi March began. The March had a key role in furthering a spirit of pride and Aatmanirbharta among India’s people. Going #VocalForLocal is a wonderful tribute to Bapu and our great freedom fighters.
— Narendra Modi (@narendramodi) March 12, 2021
انہوں نے کہا’’آج کا امرت مہوتسو پروگرام سابرمتی آشرم سے شروع ہوگا جہاں سے ڈاندی یاترا کا آغاز ہواتھا۔ اس یاترا نے ہندوستانی عوام میں فخر اور خود انحصاری کے جذبات کو ہم آہنگ کرنے میں اہم کردار ادا کیا۔ مقامی مصنوعات کو فروغ دینا بابائے قوم اور مجاہدین آزادی کو ایک حقیقی خراج تحسین ہوگا۔
ایک اور ٹوئٹ میں انہوں نے کہا کوئی بھی مقامی پروڈکٹ خریدیں اور اس کی تصویر سوشل میڈیا پر ہیش ٹیگ ووکل فار لوکل کے ساتھ لگائیں۔ سابرمتی آشرم میں مگن نواس کے قریب چرکھا رکھا جائے گا۔ یہ کتائی والا پہیہ خود کفالت سے متعلق ہر ایک ٹویٹ کے ساتھ ایک رواؤنڈ مکمل کرے گا۔ یہ عوامی تحریک کے لئے سرچشمہ کے طور پر کام کرے گا۔
Buy any local product and post a picture on social media using #VocalForLocal.
— Narendra Modi (@narendramodi) March 12, 2021
A Charkha will be installed near Magan Niwas at Sabarmati Ashram. It will rotate full circle with each Tweet related to Aatmanirbharta.
This shall also become a catalyst for a people’s movement.
قابل ذکر بات یہ ہے کہ وزیر اعظم آج احمد آباد میں سابرمتی آشرم سے پد یاترا (آزادی مارچ) کو پرچم کشائی کریں گے اور آزادی کا امرت مہوتسو کے افتتاحی پروگراموں کا آغٓاز کریں گے۔ وہ آزادی کے امرت مہوتسو سے متعلق متعدد ثقافتی اور ڈجیٹل پروگراموں کا افتتاح کے ساتھ سابرمتی آشرم میں موجود لوگوں سے خطاب بھی کریں گے۔