ممبئی: ریاست مہاراشٹر کے ہری ہریشور ساحل پر ایک غیر ملکی کشتی برآمد ہوئی ہے۔ خاص بات یہ ہے کہ مہاراشٹر کے رائے گڑھ ساحل سے ملنے والی اس مشتبہ کشتی میں تین اے کے 47 رائفلیں اور گولیاں تھیں۔ تاہم اس کشتی پر کوئی شخص سوار نہیں تھا۔
ریاست کی راجدھانی ممبئی سے 190 کلومیٹر سے زیادہ دور واقع شری وردھن علاقے میں کچھ مقامی لوگوں نے کشتی کو دیکھا اور سیکورٹی ایجنسیوں کو الرٹ کیا۔ اس سلسلے میں مہاراشٹر کے نائب وزیراعلیٰ دیویندر فڑنویس کا کہنا ہے کہ 16 میٹر لمبی کشتی سے تین اے کے 47 اور دیگر ہتھیار ملے ہیں۔
اسے ماہی گیروں نے رائے گڑھ ضلع میں ہری ہریشور ساحل کے قریب پایا۔ رائے گڑھ کی ایم ایل اے آدیتی ٹھاکرے کا کہنا ہے کہ انہوں نے مہاراشٹر کے وزیر اعلیٰ ایکناتھ شندے سے اس واقعہ کی اعلیٰ سطحی تحقیقات کی سفارش کی ہے۔
فڑنویس کا کہنا ہے کہ یہ کشتی آسٹریلیا کی ہے جسے مسقط کے راستے یورپ جانا تھا۔ لیکن یہ یہاں تک کیسے پہنچی اور اس میں اسلحہ کیسے لے جایا جا رہا تھا، اس کی تحقیقات کی جارہی ہے۔
خیال رہے کہ فڑنویس نے مہاراشٹر اسمبلی میں اس پر تفیصیلی بیان دیا ہے۔
Information in Legislative Assembly on boat found at Harihareshwar in Raigad district.
— Devendra Fadnavis (@Dev_Fadnavis) August 18, 2022
रायगड जिल्ह्यातील हरिहरेश्वर, श्रीवर्धन येथे बोट आढळून आल्याच्या घटनेसंदर्भात विधानसभेत केलेले निवेदन...#Maharashtra #MonsoonSession #Raigad #Mumbai pic.twitter.com/mQKqsoRnZ1
تلاشی کے دوران کشتی سے ایک لائف بوٹ بھی ملی۔ پولس معاملے کی تحقیقات کر رہی ہے۔ ہے۔