جھانسی: سماج وادی پارٹی (ایس پی) کے قومی صدر اور سابق وزیر اعلیٰ اکھلیش یادو آئندہ اسمبلی انتخابات کی مہم کے سلسلے میں اپنے بندیل کھنڈ دورے کے تیسرے اور آخری دن جمعہ کو وجے رتھ یاترا کے ساتھ جھانسی میں مہم چلائیں گے۔

اکھلیش کے سفر نامے کے مطابق اس دوران وہ ضلع میں تین عوامی ریلیوں سے بھی خطاب کریں گے۔ قابل ذکر ہے کہ اکھلیش نے بندیل کھنڈ میں بدھ کو باندہ سے انتخابی مہم کی شروعات کی تھی۔

انہوں نے سماجوادی رتھ یاترا کے ساتھ باندہ سے مہوبہ تک عوامی رابطہ کیا۔ اس کے بعد دوسرے دن للت پور میں عوامی رابطہ اور جلسہ عام کے ذریعے پارٹی کے لیے مہم چلائی۔

ایس پی کی طرف سے جاری پروگرام کے مطابق، اکھلیش مہم کے آخری دن صبح 9:30 بجے پریس کانفرنس سے خطاب کرنے کے بعد ’سماج وادی وجے رتھ یاترا‘ میں شرکت کریں گے اور ضلع کے دیہی علاقوں میں عوامی رابطہ کریں گے۔

اس دوران وہ ضلع جھانسی میں تین عوامی ریلیوں سے خطاب کریں گے۔ پہلی عوامی میٹنگ شری مہنت لکشمنداس کنیا انٹر کالج، بڑا گاؤں میں ہوگی۔

اس کے بعد میتھلیشرن گپتا کالج، چیرگاؤں میں میٹنگ ہوگی اور اس کے بعد تیسری ریلی مونٹھ کے ٹیکہ رام اسمرتی کالج میں ہوگی۔ مونٹھ میں عوامی ریلی کے بعد اکھلیش سہ پہر 3 بجے ہیلی کاپٹر سے لکھنؤ واپس آئیں گے۔ (ایجنسی )