نئی دہلی:لکھیم پور واقعہ پر اپوزیشن نے پارلیمنٹ میں کابینہ وزیر اجے مشرا کے استعفیٰ کا مطالبہ کیا۔ اپوزیشن ارکان نے پارلیمنٹ میں ہنگامہ آرائی کی۔

راہل گاندھی نے اس معاملے پر التوا کا نوٹس دیا۔ انہوں نے نوٹس میں کہا کہ یوپی پولس کی ایس آئی ٹی نے لکھیم پور تشدد کو ایک سوچی سمجھی سازش قرار دیا ہے۔

حکومت اجے مشرا کو فوری طور پر برطرف کرے۔ ہم حکومت سے مطالبہ کرتے ہیں کہ متاثرین کو انصاف فراہم کیا جائے۔ لوک سبھا میں 'وزیر استعفیٰ' کے نعرے بھی لگائے گئے۔

اس کے بعد لوک سبھا کی کاروائی دوپہر دو بجے تک ملتوی کر دی گئی۔ اسی دوران اپوزیشن نے 12 ارکان اسمبلی کی معطلی منسوخ کرنے کے مطالبے پر راجیہ سبھا میں ہنگامہ کھڑا کردیا، اس لیے راجیہ سبھا کی کارروائی دوپہر 12 بجے تک ملتوی کردی گئی۔

لوک سبھا میں اپوزیشن ممبران پارلیمنٹ نے پوسٹر لہرائے اور وزیر اجے مشرا کے استعفیٰ کا مطالبہ کیا۔