کانس

کرونا وائرس کے جلو میں فرانس کے ساحلی شہر کان میں فلمی دنیا کے سب سے بڑے میلے 'کان فلم فیسٹیول' کا آغاز ہوچکا ہے۔

اس مرتبہ سعودی عرب بھی بارہ روزہ فلمی میلے میں اپنا پویلین الگ لگا رہا ہے۔

سعودی پویلین میں فلمی صنعت سے تعلق رکھنے والے نجی اور سرکاری شعبوں سے تعلق رکھنے والی کمپنیاں شرکت کررہی ہیں۔

میلے میں فلم کونسل، وزارت سرمایہ کاری، رائل کمیشن برائے العلاء، ریڈ سی انٹرنیشنل فلم فیسٹیول، ایم بی سی گروپ، اثراء، دی نیوم کمپنیی اور دیگر نمایاں نام ہیں۔

فرانس میں کرونا کے ڈیلٹا ویرینٹ کے پھیلاؤ کے خوف سے 'کان فلم فیسٹیول' کے منتظمین اور حکام ایونٹ کو کامیاب بنانے کے لیے کرونا ایس او پیز پر سختی سے عمل درآمد کر رہے ہیں۔

کان فلم فیسٹیول کا یہ 74 واں رنگا رنگ ایونٹ چھ سے 17 جولائی تک جاری رہے گا۔

بارہ روزہ فیسٹیول میں فلموں کی نمائش، پریس کانفرنسز اور لیٹ نائٹ پارٹیز ہورہی ہیں اور ستارے ریڈ کارپٹ پر جلوے بکھیررہے ہیں۔ (ایجنسی ان پٹ)