ممبئی: بالی ووڈ اداکارہ پرینکا چوپڑا نے کورونا کی بگڑتی صورتحال پر امریکی صدر سے مدد کی درخواست کی ہے۔ سماجی رابطے کی سائٹ ٹوئٹر پر اداکارہ پرینکا چوپڑا نے امریکی صدر جو بائیڈن سے ہندوستان میں کورونا وائرس کی بگڑتی صورتحال پر مدد کی درخواست کرتے ہوئے کہا کہ میرا دل ٹوٹا ہوا ہے، ہندوستان کورونا سے متاثر ہے اور امریکا نے ضرورت سے زیادہ 550 ملین ویکسین کا آرڈر دیا ہے، اس وقت ہندوستان میں صورتحال تشویش ناک ہے لہذا کیا امریکا جلد سے جلد ہندوستان کو ویکسین دے گا۔ پرینکا کی جانب سے امریکی صدر سے درخواست کرنے پر سوشل میڈیا صارفین نے شدید تنقید کا نشانہ بناتے ہوئے کہا کہ اداکارہ نے بہت دیر کردی، انہیں بہت پہلے ہندوستان میں کورونا کی صورتحال پر ردعمل دینا چاہیے تھا۔
My heart breaks. India is suffering from COVID19 & the US has ordered 550M more vaccines than needed @POTUS @WHCOS @SecBlinken @JakeSullivan46 Thx for sharing AstraZeneca worldwide, but the situation in my country is critical. Will you urgently share vaccines w/ India? #vaxlive
— PRIYANKA (@priyankachopra) April 26, 2021