کابل
بالی ووڈ کی معروف شخصیات نے افغانستان پر طالبان کے کنٹرول کے بعد پیش آنے والی صورتحال پر اپنا ردِعمل دیا ہے۔ بھارتی فلمساز و اداکارہ سونی رازدان نے مائیکرو بلاگنگ ویب سائٹ ٹوئٹر پر افغانستان کی موجودہ صورتحال پر اپنے خیالات کا اظہار کیا ہے۔
انہوں نے اپنے ٹوئٹ میں لکھا کہ ' یہ کیسی دنیا ہے کہ ایک ملک اپنی آزادی کا جشن مناتا ہے دوسرا ملک اپنی آزادی کھو دیتا ہے۔' بھارتی اداکارہ شبانہ اعظمی نے مائیکرو بلاگنگ ویب سائٹ ٹوئٹر پر افغانستان کی صورتحال پر اپنا ردِعمل دیتے ہوئے کہا ہے کہ ' تاریخ ہمیں سکھاتی ہے کہ شدت پسند پہلے مذہب کی آڑ میں ثقافت پر حملہ کرتے ہیں۔'
History teaches us that fanatics first attack culture under the guise of religion.Remember that #Taliban destroyed the 6th century Bamiyan https://t.co/Ypaz4HS1nv was a sign that human cruelty would follow
— Azmi Shabana (@AzmiShabana) August 17, 2021
انہوں نے مزید لکھا کہ 'یاد رکھیں کہ طالبان نے چھٹی صدی کے بامیان مجسموں کو تباہ کیا تھا اور یہ اس بات کی علامت تھی کہ انسانی ظلم و ستم کی پیروی کی جائے گی۔'
اس کے علاوہ مشہور بھارتی مصنف اور شاعر جاوید اختر نے اپنے ٹوئٹر اکاؤنٹ پر افغانستان کی موجودہ صورتحال پر ردِعمل دیتے ہوئے کہا ہے کہ 'امریکہ کس قسم کی سپر پاور ہے کہ وہ ان وحشیوں کو ختم نہیں کر سکتی جنہیں طالبان کہتے ہیں۔'
What kind of super power US is that it couldn’t eradicate these barbarians called Talibans. What kind of world this world is that has left Afghan women to the lack of mercy of these fanatics.Shame on all those western countries who claim to be the saviours of human rights
— Javed Akhtar (@Javedakhtarjadu) August 16, 2021
انہوں نے مزید کہا کہ ' یہ دنیا کیسی دنیا ہے جس نے افغان خواتین کو ان شدت پسندوں کے رحم و کرم پر چھوڑ دیا ہے۔' جاوید اختر نے کہا کہ شرم آنی چاہیے ان تمام مغربی ممالک پر جو انسانی حقوق کے محافظ ہونے کا دعویٰ کرتے ہیں۔
دوسری جانب جاوید اختر کے بیٹے اور بالی ووڈ کے معروف ہدایتکار فرحان اختر کا افغانستان کی صورتحال کے حوالے سے ردِعمل میں کہنا ہے کہ ' دنیا کی طاقتوں کو صرف اس وقت یہ بات کرنے کی ضرورت ہے کہ معصوم افغانوں کی مدد کیسے کی جائے۔' انہوں نے مزید کہا کہ ' ابھی اور اسی وقت، اس کے لیے آنے والے دنوں کے انتظار کا وقت نہیں ہے ۔' (ایجنسی ان پٹ )