آواز دی وائس، نئی دہلی
جامعہ گرلز سینئر سیکنڈری اسکول کے نئے سیشن کا آغاز سہہ روزہ آزادی کا امرت مہتسو جشن تقریبات (دس اگست دوہزار بائیس تا بارہ اگست دوہزار بائیس)انتہائی جوش وخروش اور حب الوطنی کے جذبے سے سرشاری کے ساتھ ہوا۔
دسویں جماعت کی طالبات نے’کثرت میں وحدت‘ کے پیغام کے حامل بڑی تعداد میں پوسٹر بناکر اپنی فن کارانہ مہارت کا ثبوت پیش کیاہے۔جامعہ گرلز سینئر سیکنڈری اسکول کے این سی سی کیڈٹ نے اس پروگرام میں پورے جوش وخروش کے ساتھ حصہ لیا۔پروگرام کا مرکزی خیال آزادی کا امرت مہتسو تھا اور اس کی اہم بات دسویں جماعت کی طالبا ت ذریعہ بنایا جانے والی انسانی زنجیر تھی۔انھوں نے لمبی سی پٹی پر خاکے بھی بنائے ہوئے تھے۔
اس کے بعد بارہویں جماعت کی طالبات کا نعرہ نویسی کے مقابلہ منعقد ہوا جس میں دس دس لڑکیو ں کے گروپ نے اسکول کے اسمبلی ایریا میں وال آف یونیٹی پر اپنے نعرے لکھے۔اسکول کے طلبا نے ترنگا ریلی بھی نکالی جس میں وہ اسکول کیمپس میں ’جھنڈا اونچا رہے ہمارا‘ گاتے ہوئے مارچ کیا
۔یہ دلکش نظارہ قابل دید تھا پوری فضا حب الوطنی کے جذبے سے سرشار تھی۔گرلز اسکول کے اساتذہ اور اسکول کے پرنسپل پورے پروگرام میں موجود تھے۔