حیدرآباد، 28 اکتوبر (پریس نوٹ) مولانا آزاد نیشنل اردو یونیورسٹی میں سمانا کالج آف ڈیزائن اسٹڈیز کی جانب سے چلائے جارہے فیشن اور انٹیریر ڈیزائننگ کے ڈپلوما اور سرٹیفکیٹ کورسز کے طلبہ کی تیار کردہ ملبوسات کا کل محترمہ عرشیہ خان کے ہاتھوں افتتاح عمل میں آیا۔

سمانا کالج کے ان ڈیزائنس کو جو نیو اکیڈیمی آف فیشن ڈیزائن، میلان، اٹلی کے منظور کردہ ہیں کو اس نمائش میں رکھا گیا ہے۔ آکانکشا کو 10 دن میں 10 عروسی لباس کی تیاری پر بہترین ڈیزائنر میڈل دیا گیا۔ تمام ڈیزائنرس جن کے ڈیزائن لگائے گئے تھے کو کو سرٹیفکیٹ دیئے گئے۔

پروفیسر شگفتہ شاہین، او ایس ڈی 1، محترمہ سمانا موسوی، صدر نشین، ایس سی ڈی ایس اور جناب محمد الطاف حسین، ڈائرکٹر ایس سی ڈی ایس، پروفیسر شاہد نوخیز اعظمی، صدر شعبہ فارسی؛ ڈاکٹر احمد خان، ڈائرکٹر سی یو سی ایس، محترمہ شیبا عباس، سی ای او، ایس سی ڈی ایس، محترمہ حیا فاطمہ بھی اس موقع پر موجود تھے۔