کشمیریوں کو فوج میں بھرتی کرانے کی مہم

Story by  ایم فریدی | Posted by  [email protected] | 3 Years ago
تمثیلی تصویر
تمثیلی تصویر

 

 

سری نگر: حکومت چاہتی ہے کہ کشمیری نوجوان ہندوستانی فوج کا حصہ بنیں اور اس کے لئے آرمی ایک مہم شروع کرنے والی ہے۔ انڈین آرمی نے اگلے ماہ یعنی مارچ میں کشمیری نوجوانوں کے لئے تین روزہ بھرتی مہم کا اہتمام کرنے کا اعلان کیا ہے۔

یہ تین روزہ بھرتی مہم 24 سے 26 مارچ تک جموں اینڈ کشمیر لائٹ انفنٹری رجمنٹ سینٹر سری نگر میں منعقد ہوگی جس میں سبھی اضلاع کے خواہشمند نوجوان حصہ لے سکتے ہیں۔ خواہشمند نوجوانوں سے کہا گیا ہے کہ وہ انڈین آرمی کی ویب سائٹ پر پیشگی رجسٹریشن کریں۔سری نگر میں قائم فوج کی پندرہویں کور کے آفیشل ٹوئٹر ہینڈل پر بدھ کی صبح ایک ٹوئٹ میں کہا گیا۔

'آرمی ریکروٹنگ آفس سری نگر جموں اینڈ کشمیر لائٹ انفنٹری سینٹرمیں ریکروٹمنٹ ریلی کا اہتمام کرنے جا رہا ہے۔ یہ ریلی 24 سے 26 مارچ تک جاری رہے گی جس میں الگ الگ تاریخوں پر سبھی اضلاع کے خواہشمند نوجوانوں کو فوج میں بھرتی ہونے کا موقع دیا جائے گا۔ رجسٹریشن کے لئے ویب سائٹ پر کلک کریں'۔

http://www.joinindianarmy.nic.in/

(ان پٹ ایجنسی)