آواز دی وائس،نئی دہلی

خوراک کی ڈبہ بندی سے متعلق صنعتوں کے وزیرمملکت پرہلاد سنگھ پٹیل نے آج راجیہ سبھا میں ایک تحریری جواب میں یہ جانکاری فراہم کی ہے۔

ٹماٹر، پیاز اورآلو (ٹی اوپی) کی فصلوں کی قیمت میں اتارچڑھاؤ کے لئے موسمی حالات سمیت کئی عوامل یا اسباب ذمہ دار ہیں ۔ ان عوامل میں غیرروایتی علاقوں یا ملک کے دوسرے حصوں سے فصل کی آمد ، فصل کی بوائی کے طریقہ کار ہیں سیزن کے لحاظ سے تبدیلی ، ربیع /خریف کے اگلے سیزن سے فصل کی جلد آمد ، اورگذشتہ سیزن کی فصل کی باقیات وغیرہ شامل ہیں ۔

خوراک کی ڈبہ بندی سے متعلق صنعتوں کی وزارت ، آپریشن گرین ( اوجی ) کی اسکیم کے قلیل مدتی اقدام کے تحت فصل کی کٹائی کے سیزن کے دوران ، منڈیوں میں ضرورت سے زیادہ فصل کی آمد کے وقت ، ٹماٹر، پیاز اورآلو کی فصلوں سمیت مشتہرکردہ پھلوں اور سبزیوں کی نقل وحمل/ ذخیرہ کرنے پر50 فیصد کی سبسڈی فراہم کرتی ہے ۔

جس کی وجہ سے کسانوں کے ساتھ ساتھ صارفین کے لئے قیمتوں کے استحکام اورتوازن میں مدد ملتی ہے ۔ وزارت نیشنل ایگریکلچرل کوآپریٹیو مارکیٹنگ فیڈریشن آف انڈیا لمیٹڈ (این اے ایف ای ڈی ) کے توسط سے ٹماٹر، پیاز اور آلو (ٹی اوپی ) کی موجودہ قیمتوں پر نظررکھنے کی غرض سے مارکیٹ انٹیلی جنس اورقبل ازوقت وارننگ دینے والے نظام (ایم آئی ای ڈبلیو ایس ) سے متعلق پورٹل وزارت کے زیرانتظام ہے اور اسی کے مطابق ریاستوں کے متعلقہ محکموں کے وقتافوقتا مناسب اوقات میں قیمتوں میں کمی سے متعلق صورت حال سے باخبر کیا جاتا ہے۔

آپریشن گرین (اوجی ) اسکیم ، نومبر ، 2018سے نافذ کی جارہی ہے اوراسی کے مطابق اس موضوع پرکسی بھی مطالعہ کا اہتمام نہیں کیاگیاہے۔